RCB vs LSG IPL 2026: ఐపీఎల్ 2026లో భాగంగా రాయల్ ఛాలెంజర్స్ బెంగళూరు (RCB), లక్నో సూపర్ జెయింట్స్ (LSG) మధ్య జరుగుతున్న పోరుకు వరుణుడు పదే పదే ఆటంకం కలిగిస్తున్నాడు.

ఇప్పటికే రెండుసార్లు వర్షం కురవడంతో మ్యాచ్‌ను తాత్కాలికంగా నిలిపివేయాల్సి వచ్చింది.

లక్నో ఓపెనర్ల దూకుడు

టాస్ ఓడి బ్యాటింగ్‌కు దిగిన లక్నో సూపర్ జెయింట్స్ జట్టుకు ఓపెనర్లు అదిరిపోయే ఆరంభాన్ని ఇచ్చారు. ఆర్సీబీ బౌలర్లను దీటుగా ఎదుర్కొంటూ పరుగులు రాబట్టారు. మ్యాచ్ నిలిచిపోయే సమయానికి లక్నో 9 ఓవర్లలో వికెట్ నష్టపోకుండా 95 పరుగులు చేసి పటిష్ట స్థితిలో ఉంది. క్రీజులో ఉన్న ఓపెనర్లు సెంచరీ భాగస్వామ్యం దిశగా సాగుతున్నారు.

Read Also: LSG vs RCB: టాస్ గెలిచిన బెంగళూరు

వర్షం దోబూచులాట

ఈ మ్యాచ్‌లో వర్షం ఆరంభం నుంచే ఇబ్బంది పెడుతోంది. తొలుత ఇన్నింగ్స్ 1.3 ఓవర్ల వద్ద వాన పడటంతో కొద్దిసేపు ఆట ఆగింది. ఆ తర్వాత ఆట ప్రారంభమైనప్పటికీ, 9 ఓవర్లు ముగిశాక మరోసారి జల్లులు కురవడంతో గ్రౌండ్ సిబ్బంది హుటాహుటిన పిచ్‌ను కవర్లతో కప్పేశారు. ప్రస్తుతం మైదానంలో వర్షం కొనసాగుతుండటంతో ఆట ఎప్పుడు ప్రారంభమవుతుందనే దానిపై ఉత్కంఠ నెలకొంది.