Read Also :IPL 2026 : SRH రికార్డును సమం చేసిన పంజాబ్

PBKS vs LSG: లక్నోపై 7 వికెట్ల తేడాతో పంజాబ్ కింగ్స్ ఘన విజయం!

వరుసగా ఆరు ఓటములతో ప్లేఆఫ్స్ రేసు నుంచి దాదాపు వెనుకబడిన పంజాబ్ కింగ్స్ (PBKS), ఎట్టకేలకు లీగ్ దశ చివరి మ్యాచ్‌లో గెలుపు రుచి చూసింది. శనివారం లక్నోలోని ఏకనా స్టేడియంలో లక్నో సూపర్ జెయింట్స్ (LSG)తో జరిగిన డూ-ఆర్-డై మ్యాచ్‌లో పంజాబ్ 7 వికెట్ల తేడాతో ఘన విజయం సాధించింది. ఈ మ్యాచ్‌లో లక్నో విసిరిన 197 పరుగుల భారీ లక్ష్యాన్ని పంజాబ్ కేవలం 3 వికెట్లు కోల్పోయి 18 ఓవర్లలోనే ఛేదించింది. ఓపెనర్ ప్రభ్‌సిమ్రన్ సింగ్ (69) అదిరిపోయే ఆరంభాన్ని ఇవ్వగా, కెప్టెన్ శ్రేయస్ అయ్యర్ (51 బంతుల్లో 101 నాటౌట్) అద్భుతమైన ఐపీఎల్ కెరీర్ తొలి సెంచరీతో జట్టును ముందుండి నడిపించి విజయాన్ని అందించాడు.

Punjab Kings Playoffs Scenarios

ఈ విజయంతో పంజాబ్ కింగ్స్ 14 మ్యాచ్‌లలో 15 పాయింట్లతో లీగ్ దశను ముగించి పాయింట్ల పట్టికలో ప్రస్తుతానికి నాలుగో స్థానానికి చేరుకుంది. పంజాబ్ తన వంతు ప్రయత్నంగా ప్లేఆఫ్స్ ఆశలను సజీవంగా ఉంచుకున్నప్పటికీ, వారి లక్ మాత్రం ఆదివారం జరిగే మిగిలిన రెండు లీగ్ మ్యాచ్‌ల ఫలితాలపై పూర్తిగా ఆధారపడి ఉంది. ముఖ్యంగా రాజస్థాన్ రాయల్స్ (RR) వర్సెస్ ముంబై ఇండియన్స్ (MI), అలాగే కోల్‌కతా నైట్ రైడర్స్ (KKR) వర్సెస్ ఢిల్లీ క్యాపిటల్స్ (DC) మ్యాచ్‌లు పంజాబ్ భవితవ్యాన్ని తేల్చనున్నాయి.

పంజాబ్ కింగ్స్ అధికారికంగా క్వాలిఫై అవ్వాలంటే ఆదివారం మొదటి మ్యాచ్‌లో రాజస్థాన్ రాయల్స్‌పై ముంబై ఇండియన్స్ ఖచ్చితంగా గెలవాల్సి ఉంటుంది. ప్రస్తుతం 14 పాయింట్లతో ఉన్న రాజస్థాన్ గెలిస్తే 16 పాయింట్లతో నేరుగా ప్లేఆఫ్స్‌కు చేరుకుంటుంది, దాంతో పంజాబ్ టోర్నీ నుంచి నిష్క్రమిస్తుంది. ఒకవేళ రాజస్థాన్ ఓడిపోతే, KKR మరియు ఢిల్లీ మ్యాచ్ ఫలితం కీలకంగా మారుతుంది. ఆ మ్యాచ్‌లో ఢిల్లీ గెలిస్తే పంజాబ్ నేరుగా క్వాలిఫై అవుతుంది. ఒకవేళ కోల్‌కతా గెలిస్తే వారు కూడా 15 పాయింట్లకు చేరుకుంటారు. అయితే, పంజాబ్ నెట్ రన్ రేట్ (+0.309) మెరుగ్గా ఉండటం వల్ల, కోల్‌కతా (+0.011) అతి భారీ తేడాతో గెలిస్తే తప్ప పంజాబ్ టాప్-4 స్థానానికి ఎలాంటి ఢోకా ఉండదు.

Read Also hindi news: hindi.vaartha.com

Read Also Epaper : epaper.vaartha.com

Read Also :

అయ్యర్‌ను పక్కన పెట్టకండి.. కావాలంటే అతడిని తీసేయండి!