India vs Afghanistan: ఐపీఎల్ 2026 ఉత్కంఠభరిత సీజన్ ముగిసిన తర్వాత, భారత క్రికెట్ జట్టు మళ్లీ సంప్రదాయ రెడ్ బాల్ క్రికెట్ సమరానికి సిద్ధమైంది. అఫ్గానిస్తాన్‌తో జరగబోయే ఏకైక టెస్టు మ్యాచ్ కోసం ప్రధాన కోచ్ గౌతమ్ గంభీర్ వ్యూహాత్మకంగా సరికొత్త తుది జట్టును (Playing-11) సిద్ధం చేశారు.

జూన్ 6 నుంచి 10 వరకు జరిగే ఈ ప్రతిష్టాత్మక పోరులో యువ రక్తం సత్తా చాటడానికి ఉరకలేస్తోంది.

Read Also : FIFA World Cup 2026: మెక్సికో అద్భుత విజయం.. సెర్బియాపై 5-1తో ఘన విజయం

The Indian team is ready for the Test against Afghanistan.. Who will be the openers?

India vs Afghanistan: కొత్త ఉత్సాహంతో రెడ్ బాల్ సమరం

ఇటీవలి ఐపీఎల్‌లో పరుగుల వరద పారించిన యువ సంచలనం శుభ్‌మన్ గిల్ సారథ్యంలో భారత్ ఈ టెస్టు బరిలోకి దిగుతోంది. గత కొన్ని మ్యాచ్‌లుగా టెస్టుల్లో ఆశించిన స్థాయిలో రాణించలేకపోతున్న టీమ్ ఇండియా, ముఖ్య కోచ్ గౌతమ్ గంభీర్ దిశా నిర్దేశంలో మళ్లీ తన పూర్వ వైభవాన్ని, ఆధిపత్యాన్ని చాటుకోవాలని పట్టుదలగా ఉంది. ఈ క్రమంలోనే సీనియర్ల గైర్హాజరీలో సరికొత్త కాంబినేషన్‌తో అఫ్గాన్‌ను దెబ్బకొట్టేందుకు ప్రణాళికలు రచించారు.

ఓపెనింగ్ బాధ్యతలు ఆ ఇద్దరిదే!

ఈ కీలక మ్యాచ్‌లో భారత ఇన్నింగ్స్‌ను ప్రారంభించే బాధ్యతను కెప్టెన్ శుభ్‌మన్ గిల్, యశస్వి జైస్వాల్ భుజానికెత్తుకోనున్నారు. గతంలో దక్షిణాఫ్రికాతో జరిగిన టెస్టులో గిల్ గాయపడటంతో కేఎల్ రాహుల్, సాయి సుదర్శన్ ఓపెనర్లుగా రావలసి వచ్చింది. కానీ ఇప్పుడు గిల్ పూర్తి ఫిట్‌నెస్‌తో జట్టులోకి రావడంతో, జైస్వాల్‌తో కలిసి అతడే ఇన్నింగ్స్ ప్రారంభించడం ఖాయంగా కనిపిస్తోంది. వీరిద్దరూ అందించే శుభారంభంపైనే భారత జట్టు భారీ స్కోరు ఆధారపడి ఉంది.

పుజారా స్థానంలో దేవదత్ పడిక్కల్.. నాలుగో స్థానంలో రాహుల్!

భారత టెస్టు క్రికెట్ చరిత్రలో మూడో స్థానమంటే మనకు చేతేశ్వర్ పుజారా గుర్తుకు వస్తారు. ఆయన జట్టుకు దూరం అయిన తర్వాత ఆ నమ్మకమైన స్థానాన్ని భర్తీ చేసే సరైన బ్యాటర్ కోసం అన్వేషణ సాగింది. ఇప్పుడు ఆ కీలకమైన మూడో స్థానాన్ని దేవదత్ పడిక్కల్ భర్తీ చేయనున్నాడు. ఈ ఏడాది దేశీవాళీ క్రికెట్‌లో పడిక్కల్ అద్భుత ఫామ్‌లో ఉన్నాడు. ఒక ద్విశతకం, రెండు శతకాలతో రికార్డు సృష్టించిన పడిక్కల్‌కు టెస్టు జట్టులో తన స్థానాన్ని శాశ్వతం చేసుకోవడానికి ఇదొక గొప్ప అవకాశం. ఇక నాలుగో స్థానంలో సీనియర్ బ్యాటర్ కేఎల్ రాహుల్ బరిలోకి దిగడం దాదాపు ఖాయమైంది. వికెట్ కీపర్ బ్యాటర్ రిషబ్ పంత్, రాహుల్‌లలో ఒకరికే చోటు దక్కే అవకాశం ఉండటంతో.. ప్రస్తుతం మేనేజ్‌మెంట్ రాహుల్ అనుభవానికే మొగ్గు చూపినట్లు తెలుస్తోంది.