మైండ్‌స్పేస్, నాలెడ్జ్ సిటీ వంటి భారీ ఐటీ పార్కుల వద్ద ట్రాఫిక్ రద్దీని తగ్గించేందుకు ప్రణాళికలు సిద్ధం చేశారు. ఒకేసారి వేల సంఖ్యలో వాహనాలు రోడ్లపైకి రాకుండా, క్రమ పద్ధతిలో ఉద్యోగులు బయటకు వచ్చేలా చర్యలు చేపట్టారు. సంస్థలతో చర్చలు జరిపి, ట్రాఫిక్ గ్రిడ్‌లాక్‌లను నివారించేందుకు కఠిన నిర్ణయాలు అమలు చేయనున్నారు. ఈ కొత్త విధానం ద్వారా ఉద్యోగుల ప్రయాణ సమయం ఆదా కావడంతో పాటు, రోడ్లపై వాహనాల ఒత్తిడి తగ్గనుంది. భవిష్యత్తులో ఈ మార్పులు సామాన్య వాహనదారులకు పెద్ద ఊరట కల్పించనున్నాయి.

Read also: Telangana Rain Updates:రానున్న 2-3 గంటల్లో ఈ జిల్లాల్లో ఉరుములతో కూడిన భారీ వర్షాలు!

Traffic issues in the Hyderabad IT corridor

స్టాగర్డ్ లాగ్-అవుట్ సమయాలతో ట్రాఫిక్ కంట్రోల్

ఐటీ ఉద్యోగులు ఆఫీస్ సమయాలు ముగించుకుని బయటకు వచ్చేటప్పుడు 10 నుండి 20 నిమిషాల వ్యవధి పాటించేలా స్టాగర్డ్ లాగ్-అవుట్ విధానం తీసుకురావాలని ఎస్‌సీఎస్‌సీ ప్రతిపాదించింది. దీనివల్ల ఒకే సమయంలో భారీ వాహనాల రద్దీ ఉండదు. డీఎల్‌ఎఫ్, ఆర్‌ఎమ్‌జెడ్ నెక్సిటీ వంటి ప్రాంతాలలో ఈ విధానాన్ని అమలు చేయడం వల్ల రోడ్లపై ఒత్తిడి తగ్గుతుంది. కంపెనీలు తమ ఉద్యోగుల లాగ్-అవుట్ వేళలను కాస్త అటు ఇటుగా మారుస్తే, రోడ్లపై ట్రాఫిక్ జామ్‌లు చాలా వరకు తగ్గుతాయని అంచనా వేస్తున్నారు. ప్రస్తుతం ఉన్న హైబ్రిడ్ పని విధానాలను కూడా పరిగణనలోకి తీసుకుని, వర్షాలు కురిసే రోజుల్లో ముందే ఆఫీసుల నుండి ఉద్యోగులను పంపించే వెసులుబాటు కల్పిస్తున్నారు. ఈ మార్పులు అమలులోకి వస్తే సాయంత్రం వేళల్లో ప్రయాణం ప్రశాంతంగా సాగుతుంది.

Hyderabad IT Corridor:కొత్త కార్‌పూలింగ్ యాప్ ద్వారా సులభ ప్రయాణం

గతంలో అడ్డంకులతో ఆగిపోయిన కార్‌పూలింగ్ విధానాన్ని మళ్ళీ కొత్త పద్ధతిలో తీసుకురావాలని అధికారులు యోచిస్తున్నారు. ప్రైవేట్ వాహనాలను కమర్షియల్ ప్రయోజనాలకు వాడుతున్నారనే వివాదాలు రాకుండా, ప్రత్యేక యాప్ ద్వారా ఈ సదుపాయం కల్పిస్తారు. ఉద్యోగులు కేవలం ప్రయాణ ఖర్చులను మాత్రమే పంచుకునేలా ఈ నూతన మోడల్ రూపొందిస్తున్నారు. పోలీసుల పర్యవేక్షణలో రియల్ టైమ్ ట్రాఫిక్ అలర్ట్స్ కూడా అందుబాటులో ఉంచనున్నారు. దీనివల్ల ఉద్యోగులు ముందుగానే ట్రాఫిక్ లేని మార్గాలను ఎంచుకునే వీలుంటుంది. ఈ కొత్త వ్యవస్థను సమర్థవంతంగా అమలు చేసేందుకు ఐటీ పార్కులతో సమన్వయం చేసుకుంటున్నారు. ట్రాఫిక్ లేని ప్రయాణం కోసం సాఫ్ట్‌వేర్ సంస్థలు కూడా సహకరించాలని అధికారులు కోరుతున్నారు.

Epaper: epaper.vaartha.com

అంతర్జాతీయ సహకార శాఖ వారోత్సవాలు ఘనంగా ప్రారంభం