Operation Checkmate: అమెరికాలో అక్రమంగా నివసిస్తూ, నిబంధనలకు విరుద్ధంగా వాణిజ్య ట్రక్కులు (Commercial Trucks) నడుపుతున్న విదేశీయులను లక్ష్యంగా చేసుకుని యూఎస్ బోర్డర్ పెట్రోల్ అధికారులు నిర్వహించిన 'ఆపరేషన్ చెక్‌మేట్'సంచలనం సృష్టిస్తోంది.

ఈ ప్రత్యేక ఫెడరల్ ఆపరేషన్‌లో భాగంగా అరెస్టయిన వారిలో అత్యధికంగా 30 మంది భారతీయ ట్రక్ డ్రైవర్లు ఉండటం గమనార్హం.

Read Also :Historic change in Jammu and Kashmir: జమ్మూకశ్మీర్‌లో చారిత్రాత్మక మార్పు: మూడు దశాబ్దాల తర్వాత మే నెలలో 'నో కిల్లింగ్స్'!

Operation Checkmate: ఆరిజోనా 'యుమా సెక్టార్' లో మెరుపు దాడులు

Operation Checkmate Arizona US Border Patrol Arrest Indian Truck Drivers Illegal Immigrants Yuma Sector Deportation

అమెరికా కస్టమ్స్ అండ్ బోర్డర్ ప్రొటెక్షన్ (CBP) అధికారిక ప్రకటన ప్రకారం.. ఆరిజోనా రాష్ట్రంలోని యుమా సెక్టార్ (Yuma Sector) పరిధిలో మే 11 నుండి మే 15వ తేదీల మధ్య ఈ ఆపరేషన్ చెక్‌మేట్ నిర్వహించారు. అమెరికాలో అక్రమంగా ఉంటున్న మొత్తం 52 మందిని అధికారులు ఈ ఆపరేషన్‌లో అదుపులోకి తీసుకున్నారు. వీరిని క్షుణ్ణంగా విచారించగా, అందులో 36 మంది భారీ సెమీ-ట్రక్కులను (Semi-trucks) నడుపుతున్న కమర్షియల్ డ్రైవర్లుగా గుర్తించారు.

30 మంది భారతీయులే.. బైడెన్ కాలం నాటి పత్రాలతో గుట్టురట్టు

అరెస్టయిన 36 మంది కమర్షియల్ ట్రక్ డ్రైవర్లలో ఏకంగా 30 మంది భారతీయ పౌరులు కాగా, మిగిలిన ఆరుగురు మెక్సికో, ఎల్ సాల్వడార్, మరియు రష్యా దేశాలకు చెందిన వలసదారులుగా అధికారులు నిర్ధారించారు. అధికారుల పరిశోధనలో పలు షాకింగ్ విషయాలు వెలుగులోకి వచ్చాయి. నిందితుల్లో చాలా మంది గత జో బైడెన్ పరిపాలన కాలంలో పొందిన ఉపాధి అనుమతి పత్రాలను (Employment Authorization Documents – EAD) చూపిస్తున్నారు. అయితే, ప్రస్తుత నిబంధనల ప్రకారం ఆ పత్రాల గడువు ముగిసిపోయింది, అవి ఇప్పుడు చెల్లవు (Invalid). వీరంతా కాలిఫోర్నియా, న్యూయార్క్, వాషింగ్టన్, వర్జీనియా వంటి వివిధ అమెరికన్ రాష్ట్రాల నుండి కమర్షియల్ డ్రైవింగ్ లైసెన్సులు (CDL) పొందారు. కొందరికి అసలు ఎలాంటి డ్రైవింగ్ లైసెన్స్ కూడా లేదని అధికారులు తెలిపారు.