AP student suicide in Chicago: అమెరికాలో ఉన్నత చదువులు పూర్తి చేసి, అక్కడే స్థిరపడాలని ఆశించిన ఆంధ్రప్రదేశ్‌కు చెందిన ఓ యువకుడు బలవన్మరణానికి పాల్పడ్డాడు.

మెరుగైన భవిష్యత్తు కోసం ఎన్నో ఆశలతో అమెరికా వెళ్లిన కర్నూలుకు చెందిన చందు (26) అనే విద్యార్థి, అక్కడ ఎదురైన ఆర్థిక ఇబ్బందులను తట్టుకోలేక తనువు చాలించాడు. చదువు పూర్తి చేసి కుటుంబానికి అండగా ఉండాలనుకున్న ఆ యువకుడు, చికాగో నగరంలో ఒంటరిగా పోరాడుతూ చివరికి తీవ్ర నిర్ణయం తీసుకున్నాడు. ఫీజులు, రోజువారీ ఖర్చులు, పెరుగుతున్న అప్పుల భారం వెరసి అతడిని మానసిక కుంగుబాటుకు గురిచేశాయి. ఒకవైపు అందని సాయం, మరోవైపు ఊపిరాడనివ్వని ఆర్థిక ఒత్తిడి మధ్య చందు ప్రాణాలు కోల్పోవడం ప్రవాస విద్యార్థుల పరిస్థితికి

Read Also: Kadapa Crime: ఉద్యోగం రాలేదని బీటెక్ యువతి ఆత్మహత్య!

Student commits suicide due to anxiety over not getting a job.

AP student suicide in Chicago: ఉద్యోగం రాదన్న ఆందోళనతో కఠిన నిర్ణయం

కర్నూలుకు చెందిన ఇరగనబోయిన చందు షికాగోలోని డీపాల్ యూనివర్సిటీలో ఎంఎస్ పూర్తి చేశాడు. ప్రస్తుతం అమెరికాలోని డొనాల్డ్ ట్రంప్ ప్రభుత్వంలో నెలకొన్న పరిస్థితులు, హెచ్-1బి వీసా నిబంధనల మార్పుల వల్ల కొత్తగా చదువు పూర్తిచేసిన వారికి ఉద్యోగాలు రావడం సవాలుగా మారింది.

చందు కూడా గత కొంతకాలంగా ఉద్యోగం కోసం తీవ్రంగా ప్రయత్నించినప్పటికీ ఫలితం లేకపోవడంతో మనస్తాపానికి గురయ్యాడు. తన ఖర్చుల కోసం మళ్ళీ తల్లిదండ్రులపైనే ఆధారపడాల్సి వస్తోందన్న భావన అతనిని మరింత కుంగదీసింది. ఆ ఆర్థిక ఇబ్బందులు, భవిష్యత్తుపై నెలకొన్న ఆందోళన తట్టుకోలేక ఏప్రిల్ 28న తన గదిలోనే తుపాకీతో కాల్చుకుని ఆత్మహత్యకు పాల్పడ్డాడు. చందు మరణవార్తతో అతని స్వస్థలం కర్నూలులో విషాద ఛాయలు అలుముకున్నాయి.