Peerzadiguda Girl Death Mystery: మేడ్చల్ మల్కాజ్గిరి జిల్లా పరిధిలోని మేడిపల్లి పోలీస్ స్టేషన్ పరిధిలో అత్యంత కలకలం రేపిన మిస్టరీ ఘటన వెలుగుచూసింది.
పీర్జాదిగూడలోని శంకర్నగర్లో శుక్రవారం అర్ధరాత్రి ఓ యువతి నగ్నంగా రోడ్లపై పరుగులు తీసి, ఆపై సమీపంలోని చెరువులో శవమై తేలడం స్థానికంగా తీవ్ర సంచలనంగా మారింది.
సీసీటీవీ ఫుటేజీలో షాకింగ్ దృశ్యాలు
పోలీసులు మరియు స్థానికులు తెలిపిన వివరాల ప్రకారం.. సదరు యువతి తన తల్లితో కలిసి శంకర్నగర్లోని ఒక అద్దె ఇంట్లో నివాసముంటోంది.: శుక్రవారం అర్ధరాత్రి దాటిన తర్వాత సుమారు 2:30 గంటల సమయంలో, ఆ యువతి తన తల్లి నిద్రిస్తున్న గదికి బయట వైపు నుంచి తాళం వేసింది. అనంతరం ఒంటిపై నూలుపోగు లేకుండా నగ్నంగా వీధుల్లోకి వచ్చి పరుగులు తీసింది. ఈ విస్తుపోయే దృశ్యాలన్నీ స్థానిక సీసీ కెమెరాల్లో రికార్డయ్యాయి. వీధిలో పరుగులు తీస్తున్న క్రమంలో సమీపంలో ఉన్న ఒక ఆలయంలోకి ప్రవేశించి, అక్కడి విగ్రహాన్ని తనతో పాటు తీసుకెళ్లినట్లు సీసీటీవీ విజువల్స్ ఆధారంగా తెలుస్తోంది.
Peerzadiguda Girl Death Mystery: చెరువులో శవమై లభ్యం
అర్ధరాత్రి రోడ్లపై పరుగులు తీసిన సదరు యువతి, తెల్లవారేసరికి సమీపంలోని ఒక చెరువులో శవమై తేలింది. స్థానికులు శవాన్ని గమనించి తక్షణమే మేడిపల్లి పోలీసులకు సమాచారం అందించారు. ఘటనా స్థలానికి చేరుకున్న పోలీసులు మృతదేహాన్ని వెలికితీసి పోస్టుమార్టం నిమిత్తం ఆసుపత్రికి తరలించారు. యువతి ఇలా ప్రవర్తించడానికి గల కారణాలు ఏంటి? మానసిక స్థితి సరిగ్గా లేకపోవడం వల్ల ఇలా చేసిందా? లేక దీని వెనుక మరేదైనా వింత కోణం ఉందా? అనే అనుమానాలు వ్యక్తమవుతున్నాయి. ప్రస్తుతం మేడిపల్లి పోలీసులు ఈ ఘోర ఘటనపై కేసు నమోదు చేసుకుని, సీసీటీవీ ఫుటేజీలను క్షుణ్ణంగా పరిశీలిస్తూ అన్ని కోణాల్లో ముమ్మర దర్యాప్తు జరుపుతున్నారు.
Epaper: epaper.vaartha.com
ఇంతటి క్రూరత్వమా! రూ.20 కోసం వృద్ధుడిని గొడ్డలితో నరికి చంపిన కిరాతకుడు!