గత ప్రభుత్వ హయాంలో గ్రూప్-1 పరీక్షలు, నియామకాల్లో తీవ్రస్థాయిలో అవకతవకలు జరిగాయని ఆయన సంచలన ఆరోపణలు చేశారు. అర్హులైన అభ్యర్థుల ప్రతిభ ఆధారంగా కాకుండా అక్రమ పద్ధతుల్లో ఉద్యోగాల భర్తీ ప్రక్రియను నిర్వహించారని తీవ్రంగా విమర్శించారు.

గ్రూప్-1 నియామకాల వ్యవహారంలో గత ప్రభుత్వం న్యాయస్థానాన్ని సైతం మభ్యపెట్టే ప్రయత్నం చేసిందని సీఎం చంద్రబాబు ఆరోపించారు. కోర్టును తప్పుదారి పట్టించడానికి ఏపీపీఎస్సీ అధికారులు తప్పుడు అఫిడవిట్ సమర్పించారని మండిపడ్డారు. జవాబు పత్రాల మూల్యాంకన బాధ్యతను ప్రైవేట్ ఏజెన్సీకి అప్పగించడం మొత్తం నియామక ప్రక్రియపై అనేక తీవ్రమైన అనుమానాలకు తావిచ్చిందని స్పష్టం చేశారు.

Read Also: Nookaraju Suicide Case : మూడురోజులుగా గాలిస్తున్నా ఇంకా లభించని నూకరాజు కుటుంబ సభ్యుల ఆచూకీ

CM Chandrababu’s presentation in the Assembly on irregularities in Group-1 appointments.

AP Assembly News: మాన్యువల్ మూల్యాంకనంలో ఘోరమైన లోపాలు

గ్రూప్-1 పేపర్ల మూల్యాంకనంలో నిబంధనలకు విరుద్ధంగా వ్యవహరించారని సీఎం చంద్రబాబు ఆధారాలతో సహా వివరించారు. మొదట మాన్యువల్‌గా పేపర్లు దిద్దేందుకు జవాబు పత్రాలను హైదరాబాద్‌కు పంపారు. ఆ తర్వాత హాయ్‌ల్యాండ్‌లో మళ్లీ మాన్యువల్ వాల్యుయేషన్ నిర్వహించారు. మూల్యాంకన ప్రక్రియ మార్కెట్‌లో కూరగాయల మార్కెట్ తరహాలో అత్యంత నిర్లక్ష్యంగా సాగిందని సీఎం తీవ్ర వ్యాఖ్యలు చేశారు.

అభ్యర్థుల జీవితాలతో ఆటలు

ఎంతోమంది ప్రతిభావంతులైన నిరుద్యోగులకు సివిల్స్, గ్రూప్స్ ఉద్యోగాలు సాధించడమే జీవితాశయమని చంద్రబాబు ఆవేదన వ్యక్తం చేశారు. అలాంటి యువత భవిష్యత్తుతో గత ప్రభుత్వం దారుణంగా ఆటలాడిందని, రాజ్యాంగ వ్యవస్థలైన ఏపీపీఎస్సీ చైర్మన్‌ను కూడా నిస్సహాయ స్థితిలోకి నెట్టేశారని అన్నారు. సంబంధిత నివేదికలను పరిశీలిస్తే భయంకరమైన నిజాలు బయటపడుతున్నాయని సీఎం తెలిపారు. నియామకాల్లో పూర్తి పారదర్శకత, నిష్పక్షపాత వైఖరిని అవలంబించడమే తమ కూటమి ప్రభుత్వ ముఖ్య ప్రాధాన్యత అని చంద్రబాబు స్పష్టం చేశారు.

Epaper: epaper.vaartha.com

దేవాలయం లాంటి అసెంబ్లీని బహిష్కరించడం సరికాదు: వైఎస్సార్సీపీ తీరుపై చంద్రబాబు ధ్వజం