అవకతవకలకు పాల్పడుతున్న అంగన్వాడి టీచర్ ను సస్పెండ్ చేయాలి

Shivampet Anganwadi: శివ్వంపేటలో, అవకతవకలకు పాల్పడుతున్న అంగన్వాడీ టీచర్ ను సస్పెండ్ చేయాలని గ్రామస్తులు డిమాండ్ చేశారు. వివరాల్లోకెళ్తే మండలంలోని చిన్న గొట్టుముక్కల లో మంగళవారం అంగన్వాడి టీచర్ విమల అంగన్వాడీ కేంద్రంలో ఉన్న సరుకులను తన కారులో గుడ్లు, పప్పులు, నూనె, పాలు తరలిస్తుండగా గ్రామ ప్రజలు కారును అడ్డుకున్నారు.

ఈ సందర్భంగా గ్రామస్తులు మాట్లాడుతూ గత కొన్ని నెలలుగా అంగన్వాడీ టీచర్ గ్రామంలోని గర్భిణీలకు, పిల్లలకు ప్రభుత్వం అందజేస్తున్న గుడ్లు, పాలు, పప్పులు ఇవ్వకుండా ఇష్టం వచ్చినట్లు వ్యవహరిస్తున్నారని అన్నారు. ప్రతి నెల అంగన్వాడి కేంద్రంలో ఉన్న సరుకులను ఇంటి వద్దకు తీసుకెళ్తుందని అవకతవకలకు పాల్పడుతున్న అంగన్వాడి టీచర్ను వెంటనే సస్పెండ్ చేయాలని గ్రామస్తులు డిమాండ్ చేశారు.

కార్లో అంగన్వాడి సర్కులను తరలిస్తున్న దృశ్యం