అయోధ్య మహా యజ్ఞంలో భారీ అగ్నిప్రమాదం: 1251 హోమ గుండాలు దగ్ధం

Ayodhya Rajghat Yagna Fire Accident: అయోధ్యలోని రాజ్‌ఘాట్ వద్ద నిర్వహిస్తున్న మహా యజ్ఞంలో శనివారం భారీ అగ్నిప్రమాదం సంభవించింది. యజ్ఞం ముగింపు దశలో (పూర్ణాహుతి సమయంలో) హోమ గుండంలో వేసిన కొబ్బరికాయ ఒక్కసారిగా పగిలిపోవడంతో, అందులో నుండి వచ్చిన ఒక నిప్పు రవ్వ పక్కనే ఉన్న బట్టతో చేసిన పందిరికి (పండల్) అంటుకుంది.

క్షణాల్లో మంటలు వ్యాపించి యజ్ఞశాల మొత్తం దగ్ధమైంది.

Ayodhya Rajghat Yagna Fire Accident: ప్రమాద వివరాలు

అయోధ్య, రాజ్‌ఘాట్ లో, అక్కడ ఏర్పాటు చేసిన 1251 హోమ గుండాలు, యజ్ఞశాల పూర్తిగా కాలి బూడిదయ్యాయి.ఈ రోజు యజ్ఞానికి చివరి రోజు కావడంతో యూపీ ప్రభుత్వానికి చెందిన మంత్రులు, ఎమ్మెల్యేలు, భారీ సంఖ్యలో భక్తులు అక్కడే ఉన్నారు.అదృష్టవశాత్తూ ఈ ప్రమాదంలో ఎవరికీ ఎటువంటి గాయాలు కాలేదు, ఎటువంటి ప్రాణనష్టం జరగలేదు.

కారణం

ప్రాథమిక సమాచారం ప్రకారం కొబ్బరికాయ పగిలి నిప్పురవ్వలు ఎగిసిపడటం వల్ల ప్రమాదం జరిగినట్లు చెబుతున్నప్పటికీ, అధికారులు మాత్రం దీనిపై ఇంకా అధికారిక ప్రకటన చేయాల్సి ఉంది. అగ్నిమాపక సిబ్బంది ఘటనా స్థలానికి చేరుకుని మంటలను అదుపులోకి తెచ్చారు.