Nara Lokesh Bellary Visit: ఆంధ్రప్రదేశ్ నవ్యాంధ్ర పారిశ్రామిక ప్రగతిలో భాగంగా రాష్ట్ర విద్యుత్, ఐటీ మరియు సమాచార సాంకేతిక శాఖల మంత్రి నారా లోకేశ్ కర్ణాటకలోని బళ్లారి ప్రాంతంలో పర్యటిస్తున్నారు.
ఈ పర్యటనలో భాగంగా అనంతపురం జిల్లాలో పునరుత్పాదక ఇంధన (రిన్యూవబుల్ ఎనర్జీ) రంగాన్ని మరింత బలోపేతం చేసే కీలక ప్రాజెక్టులకు ఆయన శ్రీకారం చుట్టనున్నారు.
Read Also : AP TET: ఇన్సర్వీస్ ఉపాధ్యాయుల టెట్ దరఖాస్తుల ప్రక్రియ ప్రారంభం
Ballari Visit: Minister Lokesh to visit Suzlon yard.
Nara Lokesh Bellary Visit: ఎయిర్పోర్ట్లో ఘన స్వాగతం
ఈ ఉదయం బళ్లారిలోని జిందాల్ విజయ్నగర్ ఎయిర్పోర్ట్కు చేరుకున్న మంత్రి లోకేశ్కు ప్రజాప్రతినిధులు, అధికారులు, తెలుగుదేశం పార్టీ (టీడీపీ) నాయకులు ఘనంగా స్వాగతం పలికారు. ఈ కార్యక్రమంలో కర్ణాటక మంత్రి నాగేంద్ర, ఏపీ ఆర్థిక మంత్రి పయ్యావుల కేశవ్, ఎంపీలు బీకే పార్థసారథి, అంబికా లక్ష్మీనారాయణ పాల్గొన్నారు. అలాగే ఎమ్మెల్యేలు దగ్గుపాటి ప్రసాద్, అమిలినేని సురేంద్రబాబు, పల్లె సింధూర రెడ్డి, ఏపీఐఐసీ (APIIC) డైరెక్టర్ చల్లా లక్ష్మీ ప్రసాద్తో పాటు పలువురు నాయకులు, కార్యకర్తలు విమానాశ్రయంలో మంత్రి లోకేశ్కు స్వాగతం పలికారు.
పర్యటన వివరాలు & ప్రారంభోత్సవాలు
తన పర్యటనలో భాగంగా మంత్రి లోకేశ్ పలు పారిశ్రామిక ప్రాజెక్టులను పరిశీలించి, ప్రారంభించనున్నారు. తొలుత బళ్లారి మండలం హాలకుందిలోని సుజ్లాన్ బ్లేడ్ స్టాక్ యార్డును సందర్శించనున్నారు. అనంతరం అనంతపురం జిల్లా రాయదుర్గం నియోజకవర్గం కణేకల్లు మండలం హులికెర గ్రామంలో సుజ్లాన్ విండ్ పవర్ ప్రాజెక్టులకు అధికారికంగా శంకుస్థాపన చేయనున్నారు. అలాగే సుజ్లాన్ సంస్థ రూపొందించిన అత్యాధునిక 'S144 న్యూ బ్లేడ్ ప్రొడక్షన్ లైన్స్'ను మంత్రి లోకేశ్ లాంఛనంగా ప్రారంభించనున్నారు.
రూ.10,000 కోట్ల భారీ పెట్టుబడి.. 4,000 మందికి ఉపాధి
అనంతపురం జిల్లా వేదికగా ప్రముఖ ఇంధన సంస్థ సుజ్లాన్ (Suzlon) రూ.10,000 కోట్ల భారీ అంచనా వ్యయంతో 1,325 మెగావాట్ల (MW) ఉత్పత్తి సామర్థ్యం గల పవన విద్యుత్ ప్రాజెక్టులను నెలకొల్పుతోంది.
ఈ ప్రాజెక్టుల ద్వారా రాయలసీమ ప్రాంతంలోని స్థానిక యువతకు ప్రత్యక్షంగా మరియు పరోక్షంగా దాదాపు 4,000 మందికి ఉద్యోగ, ఉపాధి అవకాశాలు లభించనున్నాయని అధికారులు వెల్లడించారు. ఈ ప్రాజెక్టు ఏపీని క్లీన్ అండ్ గ్రీన్ ఎనర్జీ తయారీ కేంద్రంగా మార్చడంలో కీలక పాత్ర పోషించనుంది.