Longest train journey in India: భారతీయ రైల్వే నెట్‌వర్క్‌లో అత్యంత అద్భుతమైన మరియు సుదీర్ఘమైన ప్రయాణానికి కేరాఫ్ అడ్రస్ 'వివేక్ ఎక్స్‌ప్రెస్'.

దేశంలోనే మరే ఇతర రైలు ప్రయాణించనంత దూరం ప్రయాణించే అరుదైన రికార్డు ఈ రైలు సొంతం. భారతదేశానికి ఈశాన్య అంచున ఉన్న అసోంలోని దిబ్రూగఢ్‌ లో బయలుదేరి, దేశ దక్షిణ సరిహద్దు అయిన తమిళనాడులోని కన్యాకుమారి వరకు ఈ రైలు సాగుతుంది. ఈ సుదీర్ఘ ప్రయాణంలో రైలు ఏకంగా 4,155 కిలోమీటర్ల దూరాన్ని కవర్ చేస్తుంది.

vivek express longest train route

Read also: Hydrogen Train: తొలి హైడ్రోజన్ రైలుకు భారత రైల్వే ఆమోదం

75 గంటల ప్రయాణం.. 55కు పైగా స్టాపింగ్‌లు!

ఈ సుదీర్ఘ గమ్యాన్ని చేరుకోవడానికి వివేక్ ఎక్స్‌ప్రెస్‌కు సుమారు 74 నుండి 75 గంటల సమయం పడుతుంది. అంటే ఈ రైలు ఎక్కిన ప్రయాణికులు దాదాపు 3 పగళ్లు, 3 రాత్రులు పూర్తిగా రైలులోనే గడపాల్సి ఉంటుంది. గౌహతి, భువనేశ్వర్, విజయవాడ, చెన్నై వంటి దేశంలోని ప్రధాన నగరాలను అనుసంధానిస్తూ మొత్తం 55కు పైగా రైల్వే స్టేషన్లలో ఈ రైలు ఆగుతుంది. ఈ ప్రయాణంలో తెలంగాణ, ఆంధ్రప్రదేశ్, తమిళనాడు సహా దేశంలోని 12 రాష్ట్రాల గుండా రైలు ప్రయాణిస్తుంది.

longest train journey in India: భిన్న సంస్కృతుల కలయిక.. ట్రావెలర్స్‌కు ఇష్టమైన రూట్

అసోంలోని పచ్చని తేయాకు తోటల నుంచి మొదలై.. తూర్పు తీర మైదానాలు, నదులు, సముద్ర తీర ప్రాంతాల మీదుగా సాగే ఈ జర్నీ ప్రయాణికులకు సరికొత్త అనుభూతిని ఇస్తుంది. ఒకే ప్రయాణంలో భారతదేశంలోని వివిధ రాష్ట్రాల సంస్కృతులు, వాతావరణ మార్పులు మరియు అద్భుతమైన ప్రకృతి దృశ్యాలను వీక్షించవచ్చు. అందుకే ట్రావెల్ వ్లాగర్లకు, రైలు ప్రయాణాలను ఇష్టపడేవారికి ఈ రూట్ ఒక కలల ప్రయాణం (Dream Journey) లాంటిది.

వివేకానందుడి జయంతి జ్ఞాపకార్థం..

స్వామి వివేకానంద 150వ జయంతి ఉత్సవాలను పురస్కరించుకుని భారత ప్రభుత్వం 2011లో ఈ వివేక్ ఎక్స్‌ప్రెస్‌ను అందుబాటులోకి తీసుకువచ్చింది. ప్రయాణించే దూరం, పట్టే సమయం పరంగా భారతీయ రైల్వే చరిత్రలో ఈ రైలు సృష్టించిన రికార్డును ఇప్పటివరకు మరే ఇతర రైలు బద్దలు కొట్టలేకపోయింది.