ఇకపై ట్రిప్ ప్లాన్ చేసుకునే ముందు ఈ విషయాలను కచ్చితంగా గుర్తుంచుకోవాలి. పాస్‌పోర్ట్ కనీసం ఆరు నెలల చెల్లుబాటు కలిగి ఉండటంతో పాటు, తిరుగు ప్రయాణ టికెట్లు, హోటల్ బుకింగ్ వివరాలు దగ్గర ఉంచుకోవాలి. థాయ్‌లాండ్ చేరుకునే 72 గంటల ముందే ఆన్‌లైన్ పోర్టల్ ద్వారా థాయ్‌లాండ్ డిజిటల్ అరైవల్ కార్డ్ పూర్తి చేయాలి. దీని ద్వారా వచ్చే క్యూఆర్ కోడ్ ఇమ్మిగ్రేషన్ తనిఖీలకు చాలా అవసరం. నిబంధనలను పాటించకపోతే ప్రయాణం మధ్యలో ఆగిపోయే ప్రమాదం ఉంది. పర్యాటకులు తమ పర్యటన సజావుగా సాగాలంటే ఎంబసీ సూచించిన ఈ మార్గదర్శకాలను తప్పనిసరిగా అనుసరించాలి.

Read also: Ayatollah Ali Khamenei: మరణించిన నాలుగు నెలల తర్వాత అయతొల్లా అలీ ఖమేనీ అంత్యక్రియలు.. ఆలస్యంగా ఎందుకు?

Important Thailand travel rules

వెంట ఉండాల్సిన నగదు, వీసా నిబంధనలు

వీసా ఆన్ అరైవల్ లేదా వీసా మినహాయింపు సౌకర్యం పొందే పర్యాటకులు ఆర్థిక నిధులపై ప్రత్యేక శ్రద్ధ పెట్టాలి. ఇమ్మిగ్రేషన్ తనిఖీ సమయంలో ప్రతి పర్యాటకుడు కనీసం 20,000 థాయ్ బాట్ అంటే భారత కరెన్సీలో సుమారు 58 వేల రూపాయల నగదును తమ వెంట ఉంచుకోవాలి. తగినంత డబ్బు లేకపోతే అధికారులు ప్రవేశాన్ని నిరాకరించే అవకాశం ఉంది. అలాగే ప్రయాణ ఉద్దేశ్యానికి తగిన వీసాను ముందుగానే తీసుకోవడం ఉత్తమం. ఉద్యోగం కోసం వెళ్లేవారు పర్యాటక వీసాలపై వెళ్లడం చట్టవిరుద్ధం. అటువంటి వారు ఖచ్చితంగా వర్కింగ్ వీసాను మాత్రమే పొందాలి. ట్రాన్సిట్ ప్రయాణికులు కూడా తమ తుది గమ్యస్థానానికి సంబంధించిన పత్రాలను, అవసరమైన వీసాలను సిద్ధంగా ఉంచుకోవాలి.

Thailand travel rules:సురక్షిత ప్రయాణం కోసం జాగ్రత్తలు

థాయ్‌లాండ్ పర్యటనను ఆనందంగా ముగించుకోవాలంటే అధికారులు చెప్పిన ఈ సూచనలను పాటించడం మంచిది. ఏ ప్రయాణికుడు కూడా తప్పుడు సమాచారంతో వెళ్లవద్దు. ఇమ్మిగ్రేషన్ కౌంటర్ దగ్గర అడిగే ప్రశ్నలకు పక్కాగా సమాధానాలు చెప్పేలా సిద్ధంగా ఉండాలి. ప్రయాణానికి సంబంధించిన అన్ని పత్రాలను డిజిటల్ కాపీలతో పాటు ప్రింట్ అవుట్ తీసి ఉంచుకోవడం వల్ల ఏ సమయంలోనైనా చూపడానికి సులభంగా ఉంటుంది. పర్యాటక వీసా అంటే కేవలం విహారయాత్ర కోసం మాత్రమే అని గుర్తుంచుకోవాలి. నిబంధనలను అతిక్రమిస్తే జరిమానాలు లేదా దేశం నుంచి వెనక్కి పంపే ప్రమాదం ఉంటుంది. సురక్షితమైన, సంతోషకరమైన పర్యటన కోసం ఈ నిబంధనల పట్ల అప్రమత్తంగా ఉండటం ఉత్తమమైన మార్గం.

Epaper: epaper.vaartha.com

కోస్ట్ గార్డ్స్ క్యాంప్‌పై భీకర దాడి.. 30 మంది పాక్ జవాన్లు దుర్మరణం!