చెన్నైపై గెలిచినా పంజాబ్‌కు తప్పని శిక్ష

Shreyas Iyer Fined IPL 2026: ఐపీఎల్ 2026 సీజన్‌లో పంజాబ్ కింగ్స్ (PBKS) జట్టుకు ఊహించని షాక్ తగిలింది. చెన్నై సూపర్ కింగ్స్‌పై అద్భుత విజయం సాధించిన ఆనందంలో ఉన్న పంజాబ్ జట్టుపై స్లో ఓవర్ రేట్ కారణంగా ఐపీఎల్ యాజమాన్యం భారీ జరిమానా విధించింది.

ముఖ్యంగా కెప్టెన్ శ్రేయస్ అయ్యర్ వరుసగా రెండోసారి ఈ తప్పిదానికి పాల్పడటంతో శిక్ష తీవ్రత పెరిగింది.

Shreyas Iyer Fine PBKS vs CSK

వరుసగా రెండోసారి తప్పిదం

ఐపీఎల్ ప్రవర్తనా నియమావళిలోని ఆర్టికల్ 2.22 ప్రకారం, నిర్ణీత సమయంలో ఓవర్లు పూర్తి చేయడంలో విఫలమైనందుకు పంజాబ్ కింగ్స్ జట్టుపై చర్యలు తీసుకున్నారు.ఈ సీజన్‌లో శ్రేయస్ అయ్యర్ స్లో ఓవర్ రేట్ తప్పిదానికి పాల్పడటం ఇది రెండోసారి.మొదటి తప్పిదానికి (గుజరాత్ టైటాన్స్‌తో మ్యాచ్‌లో) రూ. 12 లక్షలు చెల్లించిన అయ్యర్, ఇప్పుడు రెండోసారి కావడంతో రూ. 24 లక్షల భారీ జరిమానా ఎదుర్కోవాల్సి వచ్చింది.

Shreyas Iyer Fined IPL 2026: జట్టు సభ్యులపై కూడా ప్రభావం

ఈసారి జరిమానా కేవలం కెప్టెన్‌కే పరిమితం కాలేదు. నిబంధనల ప్రకారం రెండో తప్పిదం జరిగినప్పుడు జట్టు మొత్తానికి జరిమానా విధిస్తారు.తుది జట్టులోని సభ్యులు మరియు ఇంపాక్ట్ ప్లేయర్‌కు రూ. 6 లక్షలు లేదా వారి మ్యాచ్ ఫీజులో 25 శాతం (ఏది తక్కువైతే అది) జరిమానాగా విధించారు.చెపాక్ స్టేడియంలో సీఎస్‌కేపై సాధించిన అద్భుత విజయం తాలూకు జోష్‌లో ఉన్న పంజాబ్ క్యాంప్‌లో ఈ జరిమానా వార్త కొంత నిరుత్సాహాన్ని నింపింది.

తదుపరి తప్పిదానికి 'నిషేధం' ముప్పు!

ఐపీఎల్ నిబంధనల ప్రకారం పంజాబ్ కింగ్స్ ఇప్పుడు అత్యంత ప్రమాదకర స్థితిలో ఉంది.ఒకవేళ వచ్చే మ్యాచ్‌లలో పంజాబ్ జట్టు మూడోసారి స్లో ఓవర్ రేట్ తప్పిదానికి పాల్పడితే, కెప్టెన్ శ్రేయస్ అయ్యర్‌కు రూ. 30 లక్షల జరిమానాతో పాటు ఒక మ్యాచ్ నిషేధం పడే అవకాశం ఉంది.ప్లే ఆఫ్స్ రేసులో ఉన్న పంజాబ్ జట్టుకు కెప్టెన్ అందుబాటులో లేకపోవడం పెద్ద దెబ్బ అవుతుంది. కాబట్టి ఫీల్డింగ్ మార్పులు, బౌలింగ్ రొటేషన్ విషయంలో అయ్యర్ మరింత వేగంగా నిర్ణయాలు తీసుకోవాల్సి ఉంటుంది.