చెపాక్‌లో 'పంజా' విసిరిన సీఎస్కే.. ఢిల్లీ క్యాపిటల్స్‌కు తప్పని ఓటమి

CSK vs DC Match Highlights: ఐపీఎల్-2026 సీజన్‌లో చెన్నై సూపర్ కింగ్స్ (CSK) తమ సొంత మైదానం చెపాక్‌లో విజయఢంకా మోగించింది. బ్యాటింగ్‌లో సంజు శాంసన్ సెంచరీతో చెలరేగగా, బౌలింగ్‌లో జేమీ ఓవర్టన్ తన పంజా విసిరారు.తొలుత బ్యాటర్లు భారీ స్కోరు సాధించగా, అనంతరం బౌలర్లు కట్టుదిట్టంగా బౌలింగ్ చేసి ఢిల్లీ క్యాపిటల్స్‌ పై 23 పరుగుల తేడాతో చెన్నై ఘనవిజయం సాధించింది..

నిర్దేశించిన భారీ లక్ష్యం

తొలుత బ్యాటింగ్ చేసిన సీఎస్కే, నిర్ణీత 20 ఓవర్లలో 212/2 పరుగుల హిమాలయమంత లక్ష్యాన్ని ఢిల్లీ ముందు ఉంచింది. భారీ స్కోరుతో బరిలోకి దిగిన చెన్నై బౌలర్లు మొదటి నుంచీ ప్రత్యర్థిపై ఒత్తిడి పెంచారు.

CSK vs DC live score

జేమీ ఓవర్టన్ ‘నాలుగు’ వికెట్ల విధ్వంసం

213 పరుగుల ఛేదనలో ఢిల్లీని కోలుకోలేని దెబ్బ కొట్టింది సీఎస్కే బౌలర్ జేమీ ఓవర్టన్.ఓవర్టన్ కేవలం 18 పరుగులే ఇచ్చి 4 కీలక వికెట్లు పడగొట్టారు. ఢిల్లీ ఛేదనలో కీలక సమయంలో వికెట్లు తీసి ఆ జట్టు ఆశలపై నీళ్లు చల్లారు.మరోవైపు యువ బౌలర్ అన్షుల్ కంబోజ్ 3 వికెట్లు తీసి ఢిల్లీ బ్యాటింగ్ ఆర్డర్‌ను దెబ్బతీశారు. వీరిద్దరి ధాటికి ఢిల్లీ బ్యాటర్లు విలవిలలాడారు.

CSK vs DC Match Highlights: ట్రిస్టన్ స్టబ్స్ పోరాటం వృథా

ఢిల్లీ క్యాపిటల్స్ తరపున ట్రిస్టన్ స్టబ్స్ ఒంటరి పోరాటం చేశారు. ఇన్నింగ్స్ మధ్యలో మెరుపులు మెరిపించి ఆశలు రేకెత్తించినప్పటికీ, సీఎస్కే బౌలర్ల డెత్ ఓవర్ల క్రమశిక్షణ ముందు ఆయన పోరాటం సరిపోలేదు. ఢిల్లీ జట్టు 20 ఓవర్లలో 189 పరుగులకే ఆలౌట్ అయింది.

సీఎస్కే ‘హోమ్’ గ్రౌండ్ ఆధిపత్యం

సొంత మైదానంలో బ్యాటింగ్, బౌలింగ్ మరియు ఫీల్డింగ్‌లో అత్యుత్తమ ప్రదర్శన కనబర్చిన సీఎస్కే, పాయింట్ల పట్టికలో తమ స్థానాన్ని మరింత మెరుగుపరుచుకుంది. డెత్ ఓవర్లలో కట్టుదిట్టంగా బౌలింగ్ చేయడం, కీలక భాగస్వామ్యాలను విడదీయడం చెన్నై విజయానికి ప్రధాన కారణమయ్యాయి.