Delhi Dalit Woman Case: దేశ రాజధాని ఢిల్లీలో మరోమారు మానవత్వం సిగ్గుపడే ఘోర కలి వెలుగుచూసింది. ఒక 23 ఏళ్ల దళిత యువతిపై కొన్నేళ్లుగా సామూహిక అత్యాచారానికి పాల్పడటమే కాకుండా, ఆమెను బలవంతంగా మతమార్పిడి చేసిన ఉదంతం తీవ్ర సంచలనం సృష్టిస్తోంది.

ఆగ్నేయ ఢిల్లీలోని జేమియా నగర్ ప్రాంతంలో జరిగిన ఈ దారుణానికి సంబంధించి పోలీసులు ఇప్పటికే నలుగురు నిందితులను అరెస్ట్ చేశారు.

Read Also:Chandrapur Tiger Attack: చంద్రపూర్‌లో పెద్దపులి దాడిలో నలుగురు మహిళలు మృతి

Forced Conversion Delhi

ఒకే ఇంట్లో నిర్బంధం.. కొన్నేళ్లుగా నరకయాతన

పోలీసుల ప్రాథమిక సమాచారం ప్రకారం.. గత కొన్ని సంవత్సరాలుగా సదరు దళిత యువతిని జేమియా నగర్‌లోని ఒక ఇంట్లో బలవంతంగా నిర్బంధించారు. నిందితులు ఆమెను బెదిరించి, బలవంతంగా ఇస్లాం మతంలోకి మార్చినట్లు ఆరోపణలు వస్తున్నాయి. అంతటితో ఆగకుండా, గత కొన్నేళ్లుగా పలువురు వ్యక్తులు ఆమెపై నిరంతరం లైంగిక దాడికి (సామూహిక అత్యాచారం) పాల్పడుతూ నరకం చూపించారు. ఎవరికైనా చెబితే ప్రాణాలు తీస్తామని బాధితురాలిని తీవ్రంగా భయభ్రాంతులకు గురిచేసినట్లు తెలుస్తోంది.

రంగంలోకి దిగిన పోలీసులు.. నలుగురి అరెస్ట్

ఎలాగోలా నిందితుల బారి నుంచి తప్పించుకున్న బాధితురాలు పోలీసులను ఆశ్రయించడంతో ఈ ఘోరం బయటపడింది. బాధితురాలి ఫిర్యాదు ఆధారంగా కేసు నమోదు చేసుకున్న ఆగ్నేయ ఢిల్లీ పోలీసులు తక్షణమే రంగంలోకి దిగారు. ఘటన జరిగిన ప్రాంతంలో ముమ్మరంగా గాలించి, ఈ అఘాయిత్యానికి కారణమైన నలుగురు ప్రధాన నిందితులను అదుపులోకి తీసుకున్నారు. ఈ కేసులో మరికొందరి ప్రమేయం ఉందా అనే కోణంలో పోలీసులు విచారణను వేగవంతం చేశారు. నిందితులపై అత్యాచారం, బలవంతపు మతమార్పిడి, ఎస్సీ/ఎస్టీ అట్రాసిటీ చట్టాలతో పాటు పలు కఠినమైన సెక్షన్ల కింద కేసులు నమోదు చేసినట్లు సమాచారం.