కేవలం ఒక్క రోజు పండుగ కోసం ఏడాది పొడవునా సాగుతున్న ఈ తయారీ రంగం మహిళల ఆర్థిక స్వయంకృషికి నిదర్శనంగా మారుతోంది. ముడిసరుకుల సేకరణ నుంచి మార్కెటింగ్ వరకు ప్రతి విభాగంలోనూ మహిళలే ముందుండి నడిపిస్తూ తమ ప్రతిభను చాటుకుంటున్నారు.

Read also: Hyderabad Fake Doctors Arrest: హైదరాబాద్‌లో నకిలీ సర్టిఫికెట్లతో వైద్యం.. 11 మంది అరెస్ట్

Employment in the Peddapalli Rakhi industry

పెద్దపల్లి రాఖీ పరిశ్రమ ప్రత్యేకతలు

రాఖీల తయారీకి అవసరమైన ముడిసరుకులు గుజరాత్ ముంబై రాజస్థాన్ చెన్నై మీరట్ ప్రాంతాల నుంచి వస్తుండగా కొన్ని రకాల పూసలను చైనా దేశం నుంచి దిగుమతి చేసుకుంటున్నారు. కంప్యూటర్ సహాయంతో సరికొత్త డిజైన్లను రూపొందించి స్థానిక అవసరాలతో పాటు రెండు తెలుగు రాష్ట్రాలు మహారాష్ట్ర కర్ణాటక ప్రాంతాలకు పెద్దఎత్తున ఎగుమతి చేస్తున్నారు. ఆన్లైన్ ఆర్డర్ల ద్వారా వ్యాపారం మరింత విస్తరించి అంతర్జాతీయ స్థాయిలో గుర్తింపు సంపాదించుకుంటోంది. ప్రతి ఏటా లక్షలాది డిజైన్లలో రాఖీలు తయారవుతుండగా వేలాది మందికి ఉపాధి లభిస్తోంది. యజమాని ఇల్లెందుల కృష్ణమూర్తి మార్గదర్శకత్వంలో ఈ పరిశ్రమ విజయవంతంగా ముందుకు సాగుతోంది.

Rakhi industry:మహిళలకు దక్కుతున్న ఆర్థిక భరోసా

ఉద్యోగాలు లేక ఇంటిపట్టునే ఉంటున్న మహిళలు యువతులకు ఈ పరిశ్రమ కొండంత అండగా నిలుస్తోంది. ఇల్లెందుల రజనీ పర్యవేక్షణలో మహిళలు ఇంటి వద్దే ఉంటూ తమకు నచ్చిన డిజైన్లలో రాఖీలను సులభంగా తయారు చేస్తున్నారు. చేసిన పనులను బట్టి కూలి లభిస్తుండగా రోజువారీగా రెండు వందల యాభై రూపాయల నుంచి మూడు వందల రూపాయల వరకు సంపాదిస్తున్నారు. మొదటగా సరైన శిక్షణ ఇచ్చి అనంతరం ఇళ్ల వద్దే చేసుకునే వెసులుబాటు కల్పిస్తున్నారు. ఈ ఉపాధి విధానం ద్వారా ఎంతోమంది కుటుంబాలు ఆర్థికంగా బలపడి మెరుగైన జీవన ప్రమాణాలను సొంతం చేసుకుంటున్నాయి.

Epaper: epaper.vaartha.com

హనుమకొండ మానస హత్య కేసు: తండ్రే సూత్రధారి