JEE Advanced 2026: దేశంలోని టాప్ ఐఐటీలలో ఇంజనీరింగ్ సీట్లను భర్తీ చేయడానికి నిర్వహించే జేఈఈ అడ్వాన్స్‌డ్ పరీక్ష నేడు దేశవ్యాప్తంగా అత్యంత కఠినమైన భద్రతా ప్రమాణాల నడుమ జరుగుతోంది.

ఈ ఏడాది ఈ పరీక్ష నిర్వహణ బాధ్యతలను ఐఐటీ రూర్కీ తీసుకుంది. దేశవ్యాప్తంగా ఏర్పాటు చేసిన వివిధ పరీక్షా కేంద్రాలలో పూర్తిగా కంప్యూటర్ ఆధారిత (CBT) పద్ధతిలో రెండు షిఫ్టులుగా ఈ ఎగ్జామ్ సాగుతోంది. ఉదయం 7 గంటల నుంచే విద్యార్థుల బయోమెట్రిక్ మరియు తనిఖీల ప్రక్రియను ప్రారంభించారు.

Read Also :TGRJC CET-2026 Results: తెలంగాణ గురుకుల ఇంటర్ ఫలితాలు విడుదల

JEE Advanced 2026: కఠిన నిబంధనల నడుమ ప్రారంభం!

నిబంధనల ప్రకారం, ఉదయం షిఫ్ట్ (పేపర్-1) కు 9 గంటల తర్వాత, అలాగే మధ్యాహ్నం షిఫ్ట్ (పేపర్-2) కు 2:30 గంటల తర్వాత వచ్చే అభ్యర్థులను ఎట్టి పరిస్థితుల్లోనూ పరీక్ష కేంద్రంలోకి అనుమతించబోమని అధికారులు ముందే స్పష్టం చేశారు. అభ్యర్థులు తమ అడ్మిట్ కార్డ్‌తో పాటు ప్రభుత్వం జారీ చేసిన ఏదైనా ఒక ఫోటో గుర్తింపు కార్డును వెంట తెచ్చుకోవాల్సి ఉంటుంది. ఎలాంటి మాల్‌ప్రాక్టీస్‌కు తావులేకుండా ఉండేందుకు మొబైల్స్, స్మార్ట్‌వాచ్‌లు వంటి ఎలక్ట్రానిక్ వస్తువులను నిషేధించారు. విద్యార్థులు సాధారణ దుస్తులు ధరించి, లోహపు వస్తువులు లేకుండా రావాలని అధికారులు పేర్కొన్నారు.