దిల్లీలోని జంతర్ మంతర్ వద్ద నిర్వహించిన భారీ నిరసనల్లో కేవలం విద్యార్థులే కాకుండా దేశంలో పెరిగిపోతున్న నిరుద్యోగ సమస్యతో విసిగిపోయిన నిరుద్యోగ యువత కూడా పెద్ద ఎత్తున భాగస్వామ్యమయ్యారని తెలిపారు. మహారాష్ట్రలోని సంభాజీనగర్‌లో జరిగిన సీజేపీ కోర్ కమిటీ సమావేశం అనంతరం ఆయన మీడియాతో మాట్లాడారు. దేశంలో ప్రస్తుతం నెలకొన్న పరిస్థితులు మరియు తదుపరి కార్యాచరణపై అభిజీత్ దీప్కే పలు కీలక విషయాలను వెల్లడించారు:దేశ జనాభాలో దాదాపు 60 శాతం మంది 35 సంవత్సరాల లోపు వయసున్న యువత ఉన్నారని, జంతర్ మంతర్ నిరసనల్లో పాల్గొన్నది కూడా వారేనని స్పష్టం చేశారు. నిరుద్యోగాన్ని కేవలం ఒక వర్గానికి పరిమితం చేయకుండా దేశవ్యాప్త ప్రధాన అంశంగా మలిచి పోరాడతామని ప్రకటించారు. సమాజంలో మీడియా తన కోల్పోయిన విశ్వసనీయతను పునరుద్ధరించుకోవాల్సిన అవసరం ఎంతైనా ఉందని అభిప్రాయపడ్డారు. ఈ సమావేశంలో సీజేపీ ప్రధాన ప్రతినిధి సౌరవ్ దాస్, ప్రతినిధి అశుతోష్ రంకా సహా ఇతర కీలక నాయకులు పాల్గొన్నారు.

Read Also: Sanatana Dharma : సనాతన ధర్మాచరణే అనుసరణీయం!

CJP Meeting Today

CJP Meeting Today : దీప్కే నివాసం వద్ద నిరాహార దీక్ష - సొంత వాలంటీర్ల నిరసన

ఒకవైపు సమావేశం జరుగుతుండగానే, అభిజీత్ దీప్కే ఇంటి బయట నాటకీయ పరిణామాలు చోటుచేసుకున్నాయి. దిల్లీ విద్యార్థుల ఉద్యమంలో తాము కీలక పాత్ర పోషించామని చెప్పుకుంటున్న గుజరాత్‌కు చెందిన మనీశ్ బ్రహ్మభట్, రాహుల్ పాండ్యా అనే ఇద్దరు యువకులు నిరసన చేపట్టారు. తమను సీజేపీ కోర్ కమిటీ సమావేశంలోకి అనుమతించలేదని, కనీసం తమ అభిప్రాయాలను వినేందుకు కూడా సుముఖత చూపలేదని వారు ఆరోపించారు.: ఉద్యమంలో కష్టపడిన వాలంటీర్లను పక్కనపెట్టి, బంధువులు, స్నేహితులతో మాత్రమే సీజేపీ ముగింపు సమావేశాలు నిర్వహిస్తోందని విమర్శించారు. దీప్కే నివాసం బయట నిరవధిక నిరాహార దీక్ష ప్రారంభించిన మనీశ్ బ్రహ్మభట్, 2011 అన్నా హజారే ఉద్యమం తర్వాత కేజ్రీవాల్ సొంత పార్టీ పెట్టిన తీరును గుర్తుచేస్తూ “మాకు మరో కేజ్రీవాల్ వద్దు” అంటూ నినాదాలు చేశారు. సీజేపీలో ప్రజాస్వామ్యబద్ధంగా నిర్ణయాలు తీసుకోవాలని డిమాండ్ చేశారు.

Read hindi news : hindi.vaartha.com

Epaper : epaper.vaartha.com

హస్తకళలకు గ్లోబల్ గుర్తింపు: 'లేపాక్షి'లో క్యూఆర్ కోడ్ వ్యవస్థ ప్రారంభం!