డీఎంకే సీట్ల సర్దుబాటు పూర్తి.. కాంగ్రెస్‌కు 28 స్థానాలు!

Tamil Nadu Assembly Elections 2026: తమిళనాడు అసెంబ్లీ ఎన్నికల సమరానికి అధికార డీఎంకే (DMK) కూటమి సర్వం సిద్ధం చేసుకుంది. సీట్ల సర్దుబాటు ప్రక్రియను విజయవంతంగా పూర్తి చేసిన ముఖ్యమంత్రి ఎం.కె.

స్టాలిన్, ఎన్నికల బరిలో నిలిచే అభ్యర్థుల జాబితాను అధికారికంగా ప్రకటించారు. తన మిత్రపక్షాలతో సుదీర్ఘ చర్చలు జరిపిన అనంతరం, మొత్తం స్థానాల్లో మెజారిటీ స్థానాలను డీఎంకే తన వద్దే ఉంచుకుంటూ మిత్రపక్షాలకు సముచిత స్థానం కల్పించింది.

DMK candidate list Tamil Nadu Assembly Elections 2026 seat sharing

Tamil Nadu Assembly Elections 2026: అభ్యర్థులను ప్రకటించిన సీఎం స్టాలిన్

ఈ సీట్ల పంపిణీలో భాగంగా డీఎంకే తన మిత్రపక్షాలకు మొత్తం 70 సీట్లను కేటాయించింది. ఇందులో ప్రధాన మిత్రపక్షమైన కాంగ్రెస్‌కు 28 స్థానాలు దక్కాయి. అలాగే డీఎండీకేకు 10, వీసీకేకు 8, సీపీఐ మరియు సీపీఎం పార్టీలకు తలో 5 సీట్ల చొప్పున కేటాయించారు. మిగిలిన 164 నియోజకవర్గాల్లో డీఎంకే అభ్యర్థులు నేరుగా పోటీ చేయబోతున్నారు. ఈ ఎన్నికల్లో అత్యధిక మెజారిటీతో మళ్లీ అధికారంలోకి రావడమే లక్ష్యంగా స్టాలిన్ వ్యూహరచన చేశారు.

ఈసారి ఎన్నికల్లో ఒక ఆసక్తికర పరిణామం చోటుచేసుకుంది. ఏఐఏడీఎంకే మాజీ ముఖ్యమంత్రి ఓ. పన్నీరు సెల్వం ఈసారి డీఎంకే మద్దతుతో బరిలోకి దిగుతున్నారు. ఆయన డీఎంకే తరపున పోటీ చేస్తుండటం తమిళ రాజకీయాల్లో హాట్ టాపిక్‌గా మారింది. అభ్యర్థుల ఎంపికలో సామాజిక సమీకరణాలు, గెలుపు గుర్రాలకే ప్రాధాన్యతనిచ్చినట్లు పార్టీ వర్గాలు వెల్లడించాయి. త్వరలోనే ప్రచార పర్వాన్ని ఉధృతం చేసేందుకు డీఎంకే శ్రేణులు సిద్ధమవుతున్నాయి.