AP Digital Governance: ప్రజలు కార్యాలయాల చుట్టూ తిరిగే అవసరం లేకుండా అన్ని ప్రభుత్వ సేవలను డిసెంబర్ లోపు ఆన్‌లైన్ చేయాలని సీఎం చంద్రబాబు అధికారులను ఆదేశించారు.

మన మిత్ర వాట్సాప్ గవర్నెన్స్ ద్వారా ప్రస్తుతం వెయ్యికి పైగా సేవలు అందుతున్నాయి. ఇప్పటికే కోటిన్నర మందికి పైగా ప్రజలు ఈ డిజిటల్ సౌకర్యాన్ని వాడుకోవడం విశేషం. రాబోయే రోజుల్లో ప్రతి చిన్న పనిని కూడా ఫోన్ ద్వారానే పూర్తి చేసుకునేలా పటిష్టమైన చర్యలు తీసుకుంటున్నారు. దీనివల్ల సమయం ఆదా అవ్వడంతో పాటు పాలనలో పారదర్శకత పెరుగుతుంది.

Read also: AP High Court AGP Salary Hike: హైకోర్టు ఎజిపిల గౌరవ వేతనం 25% పెంపు

AP Govt Digital Services & Drone City

AP Digital Governance: కర్నూలు డ్రోన్ సిటీ పనులు వేగవంతం

కర్నూలు జిల్లాలో ఏర్పాటు చేస్తున్న డ్రోన్ సిటీ మొదటి దశ పనులను జూలై నాటికి పూర్తి చేయాలని ముఖ్యమంత్రి స్పష్టం చేశారు. ఇక్కడ పరిశ్రమలు పెట్టేందుకు ఎనిమిది కంపెనీలకు ఇప్పటికే భూమి కేటాయింపులు జరిగాయి. మే రెండో వారంలోనే ఈ పనులు గ్రౌండ్ లెవల్లో ప్రారంభం కానున్నాయి. డ్రోన్ టెక్నాలజీ ద్వారా భవిష్యత్తులో వ్యవసాయం, భద్రత రంగాల్లో విప్లవాత్మక మార్పులు వస్తాయని ప్రభుత్వం భావిస్తోంది. అంతర్జాతీయ స్థాయి ప్రమాణాలతో ఈ డ్రోన్ సిటీ మాస్టర్ ప్లాన్ సిద్ధం చేశారు.

నిఘా నీడలో నేరాల నియంత్రణ

రాష్ట్రంలో నేరాలను అరికట్టేందుకు సిసి కెమెరాలు, శాటిలైట్ సమాచారాన్ని సమర్థవంతంగా వాడుకోవాలని ఆర్టీజీ అధికారులకు సూచించారు. ప్రైవేట్ వ్యక్తులు ఏర్పాటు చేసిన కెమెరాలను కూడా ప్రభుత్వ నెట్‌వర్క్‌కు అనుసంధానించడం ద్వారా భద్రతను మరింత పెంచవచ్చు. ఏదైనా విపత్తు జరిగినప్పుడు లేదా అటవీ ప్రాంతాల్లో మంటలు చెలరేగినప్పుడు రియల్ టైమ్ డేటా ద్వారా తక్షణమే స్పందించేలా ఏర్పాట్లు చేస్తున్నారు. శాటిలైట్ డేటాను ఆర్టీజీఎస్‌కు అనుసంధానించడం ద్వారా పరిపాలనలో వేగం పెరగనుంది.