IPL : ఇండియన్ ప్రీమియర్ లీగ్ (IPL 2026) 19వ సీజన్ క్రికెట్ చరిత్రలోనే అత్యంత అద్భుతమైన, ప్రత్యేకమైన సీజన్‌గా నిలిచిపోయింది. గత 18 సీజన్లలో ఎన్నడూ చూడని విధంగా ఈ ఏడాది సరికొత్త రికార్డులు నమోదయ్యాయి.

ముఖ్యంగా బౌలర్లకు చుక్కలు చూపిస్తూ బ్యాటర్లు ఆకాశమే హద్దుగా చెలరేగిపోయారు. ఒకే ఒక్క ఐపీఎల్ సీజన్‌లో అత్యధికంగా 27,450 పరుగులు సాధించి ఆల్‌టైమ్ రికార్డు సృష్టించారు. టోర్నీ పొడవునా బౌండరీల వర్షం కురిసింది; ఇందులో అత్యధికంగా 2,332 ఫోర్లు, అలాగే నమ్మశక్యం కాని రీతిలో 1,426 సిక్సర్లు నమోదై అభిమానులను ఉర్రూతలూగించాయి. వ్యక్తిగత ప్రదర్శనల విషయానికొస్తే, ఈ ఒక్క సీజన్‌లోనే ఏకంగా 15 సెంచరీలు నమోదయ్యాయి. జట్ల స్కోర్ల పరంగా చూస్తే, టీమ్‌లు మునుపెన్నడూ లేని విధంగా ఏకంగా 65 సార్లు 200 ప్లస్ (200+) పరుగుల భారీ స్కోర్లను బోర్డుపై ఉంచి ఈ సీజన్‌ను అత్యంత స్పెషల్‌గా మార్చేశాయి.

Read Also : ముంబై కెప్టెన్ తిలక్ వర్మనేనా ?

ఛేజింగ్స్ లోనూ నయా రికార్డులు.. రన్ రేట్‌లో సరికొత్త శిఖరాలు!

ఈ ఏడాది ఐపీఎల్ కేవలం భారీ స్కోర్లకే పరిమితం కాలేదు, అంతకంటే కఠినమైన రన్ ఛేజింగ్స్‌లోనూ అసాధ్యమైన వాటిని సుసాధ్యం చేసి చూపించింది. ఐపీఎల్ చరిత్రలోనే అత్యధికంగా 17 సార్లు 200 ప్లస్ పరుగుల భారీ లక్ష్యాలను జట్లు విజయవంతంగా ఛేదించి సరికొత్త రికార్డు సృష్టించాయి. ఈ టోర్నమెంట్‌లో ప్రతి వికెట్‌కు సగటున నమోదైన పరుగులు (Highest Runs per Wicket) 31.26 గా ఉండగా, ఓవర్‌కు నమోదైన సగటు పరుగులు (Runs Per Over – RPO) రికార్డు స్థాయిలో 9.88 గా నమోదైంది. బౌలింగ్ విభాగాన్ని మినహాయించి, బ్యాటింగ్, పరుగుల వేగం, బౌండరీలు, భారీ భాగస్వామ్యాలు ఇలా అన్ని విభాగాల్లోనూ ఐపీఎల్ చరిత్రలోనే ఈ 19వ సీజన్ అగ్రస్థానంలో నిలవడం విశేషం. ప్రపంచ క్రికెట్‌లో ఇంతటి హై-స్కోరింగ్ ఎంటర్టైన్మెంట్‌ను అందించిన సీజన్ మరొకటి లేదని విశ్లేషకులు కొనియాడుతున్నారు.