Telangana rains:అల్పపీడనం ప్రభావంతో తెలంగాణలో రెండు రోజులపాటు వర్షాలు కురుస్తాయని హైదరాబాద్ వాతావరణ కేంద్రం తెలిపింది. ఇవాళ ఉత్తర అలాగే ఈశాన్య జిల్లాల్లో భారీ వర్షాలు పడే అవకాశం ఉంది.
ఈ నేపథ్యంలో ఆయా జిల్లాలకు ఎల్లో అలర్ట్ జారీ చేశారు. రాష్ట్రవ్యాప్తంగా ఆకాశం మేఘావృతమై కనిపిస్తోంది. హైదరాబాద్ నగరంలో కూడా మోస్తరు వర్షాలు కురిసే ఛాన్స్ ఉంది.
Read also: Heavy Rains in Telangana : తెలంగాణ లో ఈరోజు భారీ నుంచి అతిభారీ వర్షాలు!
Rain in Telangana for two days
హైదరాబాద్ నగరంలో మోస్తరు వర్షాలు
హైదరాబాద్ నగరంలో ఇవాళ, రేపు తేలికపాటి నుంచి మోస్తరు వర్షాలు కురిసే అవకాశం ఉంది. వాతావరణం చల్లగా మారి ఉష్ణోగ్రతలు తగ్గే సూచనలు కనిపిస్తున్నాయి. ఆఫీసులకు వెళ్లేవారు అలాగే ప్రయాణాలు చేసేవారు వర్ష సూచన దృష్టిలో ఉంచుకోవాలి. నగరంలోని పలు ప్రాంతాలలో సాయంత్రం లేదా రాత్రి సమయంలో వర్షం పడే ఛాన్స్ ఉంది. రోడ్లపై నీరు నిలవకుండా తగిన జాగ్రత్తలు తీసుకోవాలని మున్సిపల్ సిబ్బంది అప్రమత్తమయ్యారు.
Telangana rains:ఎల్లో హెచ్చరికలు జారీ చేసిన అధికారులు
ఉత్తర మరియు ఈశాన్య తెలంగాణ జిల్లాల ప్రజలు అప్రమత్తంగా ఉండాలని వాతావరణ శాఖ హెచ్చరించింది. భారీ వర్షాల కారణంగా లోతట్టు ప్రాంతాలు జలమయం అయ్యే అవకాశం ఉంది. ప్రయాణికులు వర్షం సమయంలో తగు జాగ్రత్తలు పాటించాలి. రైతులు కూడా వ్యవసాయ పనులలో తగిన ముందస్తు చర్యలు తీసుకోవాలి.
Epaper: epaper.vaartha.com