AP High Court Chief Justice Lisa Gill: ఆంధ్రప్రదేశ్ హైకోర్టు ప్రధాన న్యాయమూర్తి (సీజే) జస్టిస్ లిసా గిల్‌కు భద్రతను పెంచుతూ రాష్ట్ర ప్రభుత్వం కీలక నిర్ణయం తీసుకుంది.

ఆమెకు ఉన్న ముప్పును పరిగణనలోకి తీసుకుని, సెక్యూరిటీ రివ్యూ కమిటీ సిఫార్సు మేరకు అత్యున్నత స్థాయి జడ్ ప్లస్ (Z+) కేటగిరీ భద్రతను కల్పించింది.జస్టిస్ లిసా గిల్ ప్రతిరోజూ విజయవాడలోని తన బంగ్లా నుండి అమరావతిలోని హైకోర్టుకు ప్రయాణిస్తుంటారు. ఈ నేపథ్యంలో, ఆమె కాన్వాయ్ ఎక్కడా ఆగకుండా వెళ్లేలా ‘గ్రీన్ ఛానల్’ సౌకర్యాన్ని కల్పించాలని డీజీపీ హరీష్ కుమార్ గుప్తా విజయవాడ, గుంటూరు పోలీసులను ఆదేశించారు. దీనివల్ల ఆమె ప్రయాణించే మార్గంలో ట్రాఫిక్ ఆంక్షలు ఉండవు, భద్రత మరింత పటిష్టంగా ఉంటుంది.

Read Also:AP Fire Department: అగ్నిమాపక శాఖలో 1,275 పోస్టుల భర్తీకి హోంమంత్రి అనిత గ్రీన్ సిగ్నల్!

ఏపీ హైకోర్టు చరిత్రలో తొలి మహిళా సీజే

జస్టిస్ లిసా గిల్ గత నెల 25న ఆంధ్రప్రదేశ్ హైకోర్టు ప్రధాన న్యాయమూర్తిగా బాధ్యతలు స్వీకరించారు. విజయవాడలోని లోక్ భవన్‌లో గవర్నర్ అబ్దుల్ నజీర్ ఆమెతో ప్రమాణ స్వీకారం చేయించారు.

• ఆమె ఏపీ హైకోర్టుకు తొలి మహిళా ప్రధాన న్యాయమూర్తి కావడం ఒక చారిత్రాత్మక ఘట్టం.
• రాష్ట్ర హైకోర్టుకు ఆమె ఐదవ ప్రధాన న్యాయమూర్తిగా వ్యవహరిస్తున్నారు.