ఏపీలో టాటా పవర్ భారీ పెట్టుబడి

Solar Plant Investment: ఆంధ్రప్రదేశ్ ప్రభుత్వం జిల్లాల వారీగా పరిశ్రమలను ప్రోత్సహిస్తూ పెట్టుబడులను ఆకర్షిస్తోంది. ఇందులో భాగంగా, నెల్లూరు జిల్లాలో టాటా పవర్ రెన్యూవబుల్ ఎనర్జీ లిమిటెడ్ (టీపీఆర్‌ఈఎల్‌) భారీ ప్లాంట్‌ను ఏర్పాటు చేసేందుకు ముందుకు వచ్చింది.

రూ. 6,500 కోట్లతో భారీ ప్లాంట్

నెల్లూరు జిల్లాలో ఇంగోట్, వేఫర్ల తయారీ కోసం సుమారు రూ. 6,500 కోట్లతో ఒక ప్లాంట్‌ను నెలకొల్పనున్నారు. ఈ ప్లాంట్ ఏర్పాటుకు సంబంధించి టీపీఆర్‌ఈఎల్‌ బోర్డు ఇప్పటికే అధికారికంగా ఆమోదం తెలిపింది. టాటా పవర్ వంటి దిగ్గజ సంస్థ ఇంతటి భారీ పెట్టుబడితో నెల్లూరుకు రావడం వల్ల రాష్ట్రంలో పారిశ్రామిక వాతావరణం మరింత మెరుగుపడనుంది. ఈ భారీ ప్రాజెక్టు రాష్ట్రంలో పెట్టుబడుల ప్రవాహాన్ని మరింత పెంచడంతో పాటు స్థానికంగా ఆర్థికాభివృద్ధికి తోడ్పడనుంది.