చిన్నారి కనిపించకుండా పది రోజులు గడిచినా ఎలాంటి స్పష్టమైన ఆధారాలు లభించకపోవడంతో అన్వేషణ మరింత వేగవంతమైంది.

వన్యమృగాల కదలికలపై ప్రత్యేక నిఘా

చిన్నారి అదృశ్యమైన ప్రాంతంలో వన్యమృగాల ప్రమేయం ఉందా అనే కోణంలో అధికారులు పరిశీలిస్తున్నారు. ఈ నేపథ్యంలో పామాయిల్ తోట సమీపంలో ప్రత్యేకంగా ఇనుప బోను ఏర్పాటు చేశారు. అందులో చిన్నారిని పోలిన రెండు బొమ్మలను ఉంచి, వాటిలో మాంసాహార పదార్థాలు పెట్టి జంతువులను ఆకర్షించే ప్రయత్నం చేస్తున్నారు. ఆ ప్రాంతంలో సంచరించే జంతువుల కదలికలను గుర్తించేందుకు కెమెరా ట్రాప్‌లను కూడా ఏర్పాటు చేశారు.

Read also: Nellore Dowry Harassment:అదనపు కట్నం వేధింపులు.. భార్యపై దాడి!

Kakinada News: భారీ ఎత్తున గాలింపు చర్యలు

పోలీసు, అటవీ శాఖ, ఎస్డీఆర్ఎఫ్ బృందాలకు చెందిన 400 మందికి పైగా సిబ్బంది గాలింపు కార్యక్రమాల్లో పాల్గొంటున్నారు. రాష్ట్ర ప్రభుత్వ ఆదేశాల మేరకు జాతీయ విపత్తు స్పందన దళం (ఎన్డీఆర్ఎఫ్) కూడా రంగంలోకి దిగింది. అదనంగా థర్మల్ డ్రోన్ల సహాయంతో తోటలు, అటవీ ప్రాంతాలను జల్లెడ పడుతున్నారు.

మిస్టరీగా మారిన పెంపుడు కుక్క మరణం

ఈ కేసులో మరో ఆసక్తికర అంశం చిన్నారితో పాటు కనిపించకుండా పోయిన కుటుంబ పెంపుడు కుక్క. అదృశ్యమైన కొన్ని రోజుల తర్వాత అది ఇంటికి తిరిగి వచ్చినప్పటికీ అసాధారణంగా ప్రవర్తించినట్లు కుటుంబ సభ్యులు తెలిపారు. ఆహారం తీసుకోకుండా ఉండటంతో పాటు ఆరోగ్య పరిస్థితి క్షీణించి చివరకు మరణించింది. దీనికి జీపీఎస్ ట్రాకర్ అమర్చి ఆచూకీ సేకరించే ప్రయత్నాలు చేసినా ఫలితం దక్కలేదు. తుని మండలం సిహెచ్. అగ్రహారం గ్రామానికి చెందిన జ్ఞానేశ్వరి జూన్ 6న తన తల్లిదండ్రులతో కలిసి పామాయిల్ తోటకు వెళ్లిన సమయంలో కనిపించకుండా పోయింది. ప్రాథమిక విచారణలో తల్లిదండ్రుల మధ్య సమాచార లోపం కారణంగా చిన్నారి తప్పిపోయినట్లు పోలీసులు గుర్తించారు.

ఆచూకీ తెలిపిన వారికి బహుమతి

చిన్నారి గురించి సమాచారం అందించే వారికి జిల్లా యంత్రాంగం రూ.1 లక్ష నగదు బహుమతి ప్రకటించింది. కేసును అత్యంత ప్రాధాన్యంతో తీసుకున్న అధికారులు అన్ని కోణాల్లో దర్యాప్తు కొనసాగిస్తున్నారు.

Read Also hindi news: hindi.vaartha.com

Read Also Epaper : epaper.vaartha.com

Read also:

తాడిపత్రి నా ప్రాణం!