గుజరాత్ టైటాన్స్‌తో మ్యాచ్‌కు ముందు నరేంద్ర మోదీ స్టేడియంలో జరిగిన ఒక సంఘటన ఇప్పుడు సోషల్ మీడియాలో వైరల్ అవుతోంది.

Read Also: IPL 2026 Hyderabad Schedule: హైదరాబాద్‌లో ఐపీఎల్ ఫీవర్: ఉప్పల్ స్టేడియం వద్ద ట్రాఫిక్ ఆంక్షలు..

Ashish Nehra-Vaibhav: మైదానంలో అరుదైన దృశ్యం

రాజస్థాన్ రాయల్స్ (RR) తరపున బరిలోకి దిగుతున్న వైభవ్ సూర్యవంశీ, గుజరాత్ టైటాన్స్‌తో పోరుకు ముందు ప్రాక్టీస్ సెషన్‌లో అందరినీ ఆశ్చర్యపరిచారు.మైదానంలో ఎదురుపడిన గుజరాత్ హెడ్ కోచ్, మాజీ దిగ్గజ బౌలర్ ఆశిష్ నెహ్రాను చూడగానే వైభవ్ పరుగెత్తుకుంటూ వెళ్లారు. పెద్దల పట్ల గౌరవంతో ఆయన కాళ్లకు మొక్కి ఆశీర్వాదం తీసుకున్నారు.ఊహించని ఈ పరిణామానికి నెహ్రా ఒక్కసారిగా ఆశ్చర్యపోయి, వెంటనే వైభవ్‌ను పైకి లేపి ఆత్మీయంగా హత్తుకున్నారు. ఆ కుర్రాడి వినయానికి ముగ్ధుడైన నెహ్రా, కాసేపు అతడితో ముచ్చటించి వెన్నుతట్టి ప్రోత్సహించారు.

ఈ సంభాషణకు సంబంధించిన వీడియోను రాజస్థాన్ రాయల్స్ ఫ్రాంచైజీ సోషల్ మీడియాలో పంచుకుంది. ఇందులో బట్లర్ మాట్లాడుతూ.. “నేను చూసిన అత్యుత్తమ ఆటగాళ్లలో వైభవ్ ఒకడు. అతనికి 21 లేదా 25 ఏళ్లు వచ్చేసరికి ప్రపంచం అతని పాదాల చెంత ఉంటుంది. అండర్-19 ప్రపంచకప్ ఫైనల్‌లో మీరు మా ఇంగ్లండ్ జట్టు హృదయాలను ముక్కలు చేశారు” అని హరారేలో వైభవ్ ఆడిన 80 బంతుల్లో 175 పరుగుల రికార్డు బ్రేకింగ్ ఇన్నింగ్స్‌ను గుర్తు చేసుకున్నాడు. బట్లర్ ప్రశంసలకు వైభవ్ చిరునవ్వుతో బదులివ్వగా, ఇద్దరూ ఆప్యాయంగా కరచాలనం చేసుకున్నారు.