Gurukulam Uniforms: తెలంగాణలోని సంక్షేమ గురుకుల విద్యాసంస్థల్లో చదువుతున్న విద్యార్థులకు ప్రభుత్వం నుంచి అందాల్సిన దుస్తులు, విద్యా సామగ్రి పంపిణీపై అధికారులు దృష్టి సారించారు.
విద్యార్థులకు నైట్‌ డ్రెస్‌లు, ట్రాక్‌ సూట్లు, పీటీ సూట్లను నవంబరులోగా పంపిణీ చేయనున్నట్లు ఎస్సీ గురుకుల సొసైటీ పీఎంయూ ఛైర్మన్‌ రవి నాయక్‌ తెలిపారు. విద్యార్థులకు అవసరమైన వస్తువులు సకాలంలో అందేలా చర్యలు తీసుకుంటున్నట్లు వెల్లడించారు.
Ssc exams: అక్టోబర్ 30 నుంచి టెన్త్ ఫీజులు
వారం రోజుల్లో రెండో జత యూనిఫాం
గురుకుల విద్యార్థులకు రెండో జత యూనిఫాం అందించే ప్రక్రియ పూర్తయినట్లు రవి నాయక్‌ తెలిపారు. ఇందుకు అవసరమైన వస్త్రాల సేకరణ ఇప్పటికే పూర్తయిందని, మరో వారంలోగా యూనిఫాంలను పంపిణీ చేస్తామని వెల్లడించారు. విద్యార్థులకు దుస్తుల కొరత తలెత్తకుండా అవసరమైన ఏర్పాట్లు చేస్తున్నట్లు పేర్కొన్నారు.
వైట్‌ యూనిఫాం కోసం వర్క్‌ ఆర్డర్‌
విద్యార్థులకు అందించాల్సిన వైట్‌ యూనిఫాంల సరఫరా కోసం వర్క్‌ ఆర్డర్‌ ప్రక్రియను ప్రారంభించినట్లు అధికారులు తెలిపారు. ఈ ప్రక్రియ పూర్తయిన తర్వాత దుస్తులను విద్యార్థులకు అందించనున్నారు. యూనిఫాంల కొరత రాకుండా సాధారణ అవసరానికి మించి 10 శాతం అదనంగా సమీకరించినట్లు రవి నాయక్‌ వెల్లడించారు.
నాణ్యతలో లోపాలుంటే చర్యలు
గురుకుల విద్యార్థులకు సరఫరా చేసే దుస్తుల నాణ్యత విషయంలో రాజీ పడబోమని రవి నాయక్‌ స్పష్టం చేశారు. యూనిఫాంలు లేదా ఇతర వస్తువుల్లో నాణ్యతా లోపాలు గుర్తిస్తే సంబంధిత గుత్తేదారులపై నిబంధనల ప్రకారం చర్యలు తీసుకుంటామని హెచ్చరించారు.
Gurukulam Uniforms: ఎడ్యుకేషన్‌ కిట్లపైనా సమీక్ష
విద్యార్థులకు అందించాల్సిన ఎడ్యుకేషన్‌ కిట్ల సరఫరాపైనా అధికారులు సమీక్ష నిర్వహిస్తున్నారు. యూనిఫాంలు, క్రీడా దుస్తులు, విద్యా సామగ్రిని నిర్ణీత గడువులోగా అందించేందుకు చర్యలు చేపడుతున్నారు. విద్యార్థులకు అవసరమైన వస్తువులు సకాలంలో అందించడం ద్వారా విద్యా కార్యకలాపాలకు ఇబ్బందులు లేకుండా చూడాలని అధికారులు భావిస్తున్నారు.
Epaper: epaper.vaartha.com