LPG Gas eKYC: ఇండేన్ (Indane), భారత్ గ్యాస్ (Bharat Gas), హెచ్పీ గ్యాస్ (HP Gas) వినియోగదారులకు కేంద్ర ప్రభుత్వం, గ్యాస్ కంపెనీలు హెచ్చరిక జారీ చేశాయి.
గ్యాస్ కనెక్షన్ ఉన్నవారు తమ ఆధార్ ఆధారిత ముఖ గుర్తింపు (Aadhaar Face Authentication) ద్వారా ఈ-కేవైసీ పూర్తి చేయడానికి నేడే (ఆగస్టు 31, 2026) ఆఖరి తేదీ. గతంలో ఉన్న ఆగస్టు 16 గడువును పెంచి నేటివరకు అవకాశం కల్పించారు. గతంలో ఈ-కేవైసీ పూర్తి చేయని నాన్-పీఎంయూవై (Non-PMUY) వినియోగదారులందరికీ ఈ నిబంధన వర్తిస్తుంది.
Read Also :New Rules: సెప్టెంబర్ 1 నుంచి మారనున్న 5 కీలక నిబంధనలు
ఈ-కేవైసీ చేయకపోతే ఎదురయ్యే సమస్యలు
ఈ-కేవైసీ పూర్తి చేయని వినియోగదారులు క్రింది తీవ్ర పరిణామాలను ఎదుర్కోవాల్సి వస్తుంది:
- కనెక్షన్ తాత్కాలిక నిలిపివేత: గడువులోగా పూర్తి చేయకపోతే గ్యాస్ కనెక్షన్ తాత్కాలికంగా నిలిచిపోతుంది (బ్లాక్ అవుతుంది). తిరిగి ఈ-కేవైసీ పూర్తి చేసిన తర్వాతే యాక్టివేట్ చేస్తారు.
- కమర్షియల్ ధరల భారం: దేశీయ (డొమెస్టిక్) సబ్సిడీ ధరకు గ్యాస్ పొందే అర్హత కోల్పోతారు. సిలిండర్ కావాలంటే కమర్షియల్ (వాణిజ్య) ధర చెల్లించాల్సి రావచ్చు.
- సబ్సిడీ నిలిపివేత: పీఎంయూవై (PMUY) అర్హత కలిగిన లబ్ధిదారులకు వచ్చే ప్రభుత్వ సబ్సిడీ ఆగిపోయే ప్రమాదం ఉంది.
- (గమనిక: ఇప్పటికే ఈ-కేవైసీ పూర్తి చేసినవారు మళ్లీ చేయాల్సిన అవసరం లేదు. కనెక్షన్ శాశ్వతంగా రద్దు కాదని కంపెనీలు స్పష్టం చేశాయి).
LPG Gas eKYC: ఫోన్లోనే ఈ-కేవైసీ (eKYC) చేసుకునే సులభమైన విధానం
ఏజెన్సీల చుట్టూ తిరిగే పనిలేకుండా ఇంట్లో ఉండే మీ మొబైల్ ద్వారా సులభంగా పూర్తి చేయవచ్చు:
- యాప్స్ డౌన్లోడ్: గూగుల్ ప్లేస్టోర్ నుండి UIDAI AadhaarFaceRD యాప్తో పాటు మీ గ్యాస్ కంపెనీ యాప్ను (‘Indane-IndianOil One’, ‘Bharat Gas-Hello BPCL’, ‘HP Gas-HP Pay’) డౌన్లోడ్ చేసుకోవాలి.
- రిజిస్ట్రేషన్: మీ మొబైల్ నంబర్తో కంపెనీ యాప్లో లాగిన్ లేదా రిజిస్టర్ అవ్వాలి.
- ఫేస్ స్కాన్: యాప్లోని e-KYC ఆప్షన్ను ఎంచుకుని, ఆధార్ నంబర్ నమోదు చేసి, కెమెరా ద్వారా ముఖాన్ని (Face Scan) స్కాన్ చేసి ప్రక్రియను పూర్తి చేయాలి.
రూ. 9,999లకే 5G స్మార్ట్ఫోన్: 'బోల్ట్' సిరీస్తో ఫైర్-బోల్ట్ గ్రాండ్ ఎంట్రీ!