హార్ముజ్ జలసంధి పూర్తిగా మూసివేసిన ఇరాన్.. ఎల్పీజీ కి మళ్ళీ డిమాండ్

అమెరికా - ఇరాన్ మధ్య నెలకొన్న తీవ్ర ఉద్రిక్తతలు ప్రస్తుతం హార్ముజ్ జలసంధిని కేంద్ర బిందువుగా మార్చాయి. ప్రపంచ చమురు వాణిజ్యంలో దాదాపు ఐదో వంతు వాటా కలిగిన ఈ కీలక జలమార్గంపై పట్టు సాధించేందుకు ఇరుపక్షాలు ప్రయత్నిస్తుండటంతో..

అంతర్జాతీయ ఇంధన సరఫరా వ్యవస్థ తీవ్ర అనిశ్చితిలో పడింది. ముఖ్యంగా తన ముడి చమురు, ఎల్‌పిజి, ఎల్‌ఎన్‌జి అవసరాల కోసం మధ్యప్రాచ్యంపై అధికంగా ఆధారపడే భారత ఆర్థిక వ్యవస్థపై ఈ పరిణామాలు నేరుగా ప్రభావం చూపుతున్నాయి. ఇరాన్ గతంలో భారత నౌకల పట్ల కొంత సానుకూలత ప్రదర్శించినప్పటికీ.. అమెరికా తన దిగ్బంధనాన్ని కొనసాగిస్తుండటంతో ఇరాన్ మళ్ళీ ఈ మార్గాన్ని మూసివేసింది. దీనివల్ల భారతీయ నౌకలు ఘర్షణల మధ్య చిక్కుకుపోయే పరిస్థితి తలెత్తింది.

Strait of Hormuz

Strait of Hormuz: భారతీయ నౌకలను లక్ష్యంగా చేసుకోవడం పట్ల భారత్ స్పందన

ఈ క్రమంలోనే ‘దేశ్ గరిమ’ అనే భారతీయ ట్యాంకర్ సురక్షితంగా జలసంధిని దాటినప్పటికీ.. ‘సన్మార్ హెరాల్డ్’, ‘జగ్ అర్నవ్’ వంటి నౌకలపై ఇరాన్ విప్లవాత్మక గార్డ్స్ (IRGC) కాల్పులు జరపడం పరిస్థితి తీవ్రతను తెలియజేస్తోంది. ప్రాణనష్టం జరగకపోయినా, భారతీయ నౌకలను లక్ష్యంగా చేసుకోవడం పట్ల భారత్ తీవ్రంగా స్పందించింది. ఇరాన్ రాయబారిని పిలిపించి తన ఆందోళనను వ్యక్తం చేయడమే కాకుండా, వాణిజ్య నౌకల భద్రత విషయంలో రాజీ లేదని విదేశాంగ శాఖ స్పష్టం చేసింది. గతంలో Iran అందించిన సహకారాన్ని గుర్తు చేస్తూ, త్వరితగతిన సురక్షిత రవాణాను పునరుద్ధరించాలని విక్రమ్ మిశ్రీ కోరారు. అయితే ప్రస్తుతం పర్షియన్ గల్ఫ్, దాని పరిసర ప్రాంతాల్లో సుమారు 20కి పైగా భారతీయ నౌకలు అనుమతి కోసం ఎదురుచూస్తున్నాయి. యుద్ధం ప్రారంభమైనప్పటి నుండి ఎల్‌పిజి సరఫరాలో అంతరాయం ఏర్పడటంతో, ప్రభుత్వం గృహ అవసరాలకు ప్రాధాన్యతనిస్తూ వాణిజ్య సరఫరాలను 70 శాతానికి పరిమితం చేసింది. ముడి చమురు విషయంలో మాత్రం భారత్ వ్యూహాత్మక అడుగులు వేస్తోంది.

Read hindi news: hindi.vaartha.com

Epaper: epaper.vaartha.com