Health tips: ప్రస్తుత ఉరుకుల పరుగుల జీవితంలో చాలామంది అల్పాహారం విషయంలో నిర్లక్ష్యంగా ఉంటున్నారు. హడావిడిగా బ్రేక్‌ఫాస్ట్ చేయడం వల్ల ఒబెసిటీ, డయాబెటిస్ వంటి సమస్యలు వచ్చే ప్రమాదం ఉందని వైద్య నిపుణులు హెచ్చరిస్తున్నారు.

సమయానికి సరైన పోషకాలు అందకపోతే శరీర జీవక్రియ దెబ్బతింటుంది. కాబట్టి ఉదయం ఆహారం విషయంలో అశ్రద్ధ వహించకుండా తగిన జాగ్రత్తలు తీసుకోవడం ఎంతో అవసరం.

Read also: Effects of Eating Mango and Curd: మామిడి పండు, పెరుగు కలిపి తింటే కలిగే నష్టాలు

Eating breakfast in a rush

అల్పాహారం ఎందుకు మానేయకూడదు?

రాత్రి నిద్ర లేచిన తర్వాత శరీరానికి శక్తి కోసం ఉదయం పూట పౌష్టికాహారం చాలా అవసరం. కొందరు బరువు తగ్గాలనే ఆలోచనతో లేదా సమయం లేక బ్రేక్‌ఫాస్ట్ మానేస్తుంటారు. ఇలా చేయడం వల్ల రక్తంలో చక్కెర స్థాయిలు అదుపుతప్పి టైప్-2 డయాబెటిస్ వచ్చే ఛాన్స్ పెరుగుతుంది. అంతేకాకుండా కొలెస్ట్రాల్ పెరిగి గుండె సంబంధిత సమస్యలకు దారితీసే అవకాశం కూడా ఉంది.

Health tips: హడావిడి భోజనం వల్ల కలిగే నష్టాలు

చాలామంది ఏదో ఒకటి తినాలని హడావిడిగా ప్యాక్ చేసిన లేదా జంక్ ఫుడ్ తింటుంటారు. ఇలా కంగారుగా తినడం వల్ల జీర్ణక్రియ మందగించి గ్యాస్, ఎసిడిటీ సమస్యలు వస్తాయి. ఆహారాన్ని సరిగ్గా నమలకుండా మింగడం వల్ల కడుపు నిండిందనే సంకేతం మెదడుకు అందదు. దీనివల్ల అతిగా తినే అలవాటు పెరిగి బరువు పెరగడం, స్థూలకాయం సమస్యలకు కారణమవుతుంది.

ఆరోగ్యకరమైన బ్రేక్‌ఫాస్ట్ ఎలా ఉండాలి?

• ప్రోటీన్లు, పీచు పదార్థాలు ఉండే ఆహారం తీసుకోవాలి.
• ఓట్స్, ఉప్మా, అటుకుల వంటివి త్వరగా అరుగుతాయి, రోజంతా శక్తినిస్తాయి.
• శాండ్‌విచ్‌లు తీసుకునేటప్పుడు కూరగాయలు ఎక్కువగా ఉండేలా చూసుకోవాలి.
• కనీసం 15-20 నిమిషాల సమయం కేటాయించి ప్రశాంతంగా తినడం అలవాటు చేసుకోవాలి.