హైదరాబాద్‌పై కోల్‌కతా ఘనవిజయం

SRH vs KKR Highlights: ఆదివారం జరిగిన ఐపీఎల్ పోరులో సన్‌రైజర్స్ హైదరాబాద్‌ (SRH) పై కోల్‌కతా నైట్ రైడర్స్ (KKR) 7 వికెట్ల తేడాతో ఘనవిజయం సాధించింది.

సన్‌రైజర్స్ నిర్దేశించిన 165 పరుగుల సాధారణ లక్ష్యాన్ని కోల్‌కతా ఇంకా వికెట్లు మిగిలి ఉండగానే సునాయాసంగా ఛేదించింది. యువ ఆటగాడు అంగ్క్రిష్ రఘువంశీ (59) అద్భుతమైన అర్ధశతకంతో జట్టు విజయంలో కీలక పాత్ర పోషించాడు.

రఘువంశీ, రహానేల కీలక భాగస్వామ్యం

కేకేఆర్ ఇన్నింగ్స్ ఆరంభంలో ఫిన్ అలెన్ 13 బంతుల్లోనే 29 పరుగులు చేసి మెరుపు ఆరంభాన్ని ఇచ్చాడు. అనంతరం కెప్టెన్ అజింక్య రహానే (43), రఘువంశీ కలిసి రెండో వికెట్‌కు 84 పరుగుల విలువైన భాగస్వామ్యాన్ని నెలకొల్పి జట్టును విజయతీరాలకు చేర్చారు. వీరిద్దరి నిలకడైన ఆటతీరుతో కేకేఆర్ లక్ష్యం వైపు వేగంగా దూసుకెళ్లింది.

SRH vs KKR Live Score

SRH vs KKR Highlights: ట్రావిస్ హెడ్ మెరిసినా.. స్పిన్నర్ల మాయాజాలం

తొలుత బ్యాటింగ్ చేసిన సన్‌రైజర్స్ హైదరాబాద్ 165 పరుగులకు ఆలౌట్ అయింది. ఓపెనర్ ట్రావిస్ హెడ్ కేవలం 28 బంతుల్లో 61 పరుగులతో విరుచుకుపడినప్పటికీ, మిగతా బ్యాటర్లు విఫలమయ్యారు. కేకేఆర్ మిస్టరీ స్పిన్నర్లు వరుణ్ చక్రవర్తి (3/36), సునీల్ నరైన్ (2/31) కట్టుదిట్టమైన స్పెల్స్‌తో హైదరాబాద్ మిడిల్ ఆర్డర్‌ను దెబ్బతీశారు. వీరిద్దరి ధాటికి ఎస్ఆర్హెచ్ భారీ స్కోరు సాధించలేకపోయింది.