దీనివల్ల పర్యాటకులు, తరచుగా విదేశాలకు వెళ్లే భారతీయులకు ప్రయాణం మరింత సులభతరం కానుంది. అర్హత కలిగిన భారతీయ పౌరులు ఇకపై ముందస్తు వీసా అవసరం లేకుండానే నేరుగా యూఏఈలో అడుగుపెట్టవచ్చు. పర్యాటకాన్ని ప్రోత్సహించడంతో పాటు ఇరు దేశాల మధ్య ఆర్థిక సంబంధాలను బలోపేతం చేయడమే ఈ నిర్ణయం వెనుక ఉన్న ప్రధాన ఉద్దేశం. అయితే, ఈ ఇన్‌స్టంట్ ఎంట్రీ ప్రయోజనాన్ని పొందాలంటే ప్రయాణికుల వద్ద కొన్ని నిర్దిష్ట దేశాలకు సంబంధించిన వీసాలు ఉండాలి. గతంలో కేవలం అమెరికా (US) లేదా బ్రిటన్ (UK) వీసాలు ఉన్న భారతీయులకు మాత్రమే ఈ సదుపాయం ఉండేది.

Read Also: Oil : ఇండియాకు కావాల్సినంత ఆయిల్ ఇస్తాం - మార్కో

Visa-on-Arrival

యూఏఈ వీసా-ఆన్-అరైవల్

కానీ ఇప్పుడు ఫెడరల్ అథారిటీ ఫర్ ఐడెంటిటీ, సిటిజన్‌షిప్, కస్టమ్స్ అండ్ పోర్ట్ సెక్యూరిటీ (ICP) ఈ జాబితాను పెంచింది. కెనడా, జపాన్, సింగపూర్, ఆస్ట్రేలియా దేశాల చెల్లుబాటు అయ్యే వీసాలు ఉన్న భారతీయులు కూడా ఇకపై వీసా-ఆన్-అరైవల్ పొందవచ్చు. అంతర్జాతీయంగా భారతీయ పౌరుల రాకపోకలు పెరుగుతున్న నేపథ్యంలో యూఏఈ ఈ నిర్ణయం తీసుకుంది. వివిధ దేశాలకు తరచుగా ప్రయాణించే వారికి ఇది ఎంతో ఊరటనిచ్చే విషయం. కొత్త నిబంధనలు ఇవే ఈ సదుపాయాన్ని ఉపయోగించుకోవాలంటే మీ దగ్గర ఉన్న విదేశీ వీసా లేదా రెసిడెన్స్ పర్మిట్ తప్పనిసరిగా చెల్లుబాటులో ఉండాలి. సాధారణంగా యూఏఈ ఎంట్రీ పర్మిట్ అందిన తర్వాత 14 రోజుల పాటు అక్కడ ఉండవచ్చు. అవసరమైతే నిర్ణీత ఫీజు చెల్లించి ఈ గడువును ఒకసారి పొడిగించుకునే అవకాశం కూడా ఉంది. దుబాయ్ వంటి నగరాల్లో తక్కువ సమయంలో బిజినెస్ మీటింగ్స్ ముగించుకోవాలనుకునే వారికి ఇది సరైన ఆప్షన్.

Visa-on-Arrival: పాస్‌పోర్ట్‌కు కనీసం ఆరు నెలల గడువు

అయితే, ప్రయాణానికి ముందే మీ పాస్‌పోర్ట్‌కు కనీసం ఆరు నెలల గడువు ఉండేలా చూసుకోండి. అలాగే మీ విదేశీ వీసాల ఫిజికల్ కాపీలను వెంట ఉంచుకోవడం మంచిది. అర్హత కలిగిన విదేశీ వీసా ఎంట్రీ రకం బస చేసే కాలం అమెరికా, బ్రిటన్ లేదా ఈయూ రెసిడెన్స్ వీసా ఆన్ అరైవల్ 14 రోజులు కెనడా, జపాన్ లేదా సింగపూర్ వీసా ఆన్ అరైవల్ 14 రోజులు ఆస్ట్రేలియా లేదా న్యూజిలాండ్ వీసా ఆన్ అరైవల్ 14 రోజులు కావాల్సిన ముఖ్యమైన పత్రాలు యూఏఈ విమానాశ్రయాల్లో ఇమ్మిగ్రేషన్ ప్రక్రియ వేగంగా పూర్తి కావాలంటే కొన్ని పత్రాలు సిద్ధంగా ఉంచుకోవాలి. కన్ఫర్మ్డ్ రిటర్న్ టికెట్‌తో పాటు హోటల్ బుకింగ్ వివరాలను చూపించాల్సి ఉంటుంది. కొన్ని ఎయిర్‌లైన్స్ నిర్దిష్ట పాస్‌పోర్ట్ రకాలకు ‘ఓకే టు బోర్డ్’ (OKTB) వెరిఫికేషన్ అడుగుతాయి. కాబట్టి విమానం ఎక్కే ముందే మీ ఎయిర్‌లైన్ సంస్థను సంప్రదించి క్లారిటీ తీసుకోవడం ఉత్తమం. ఈ చిన్న జాగ్రత్తలు పాటిస్తే ఎలాంటి టెన్షన్ లేకుండా ప్రయాణాన్ని ఆస్వాదించవచ్చు. బోర్డింగ్ గేట్ వద్దకు వెళ్లే ముందే మీ వీసా స్టేటస్‌ను ఒకసారి సరిచూసుకోండి.

Read Also hindi news: hindi.vaartha.com

Read Also Epaper : epaper.vaartha.com

Read Also :

ఇటలీలో ప్రధాని మోదీకి అరుదైన గౌరవం: 'FAO అగ్రికోలా మెడల్' ప్రదానం