గతంలో స్వీకరించిన దరఖాస్తులను పరిశీలించి లాటరీ పద్ధతి ద్వారా అర్హులైన లబ్ధిదారులను ఎంపిక చేసిన అధికారులు తాజాగా క్షేత్రస్థాయి పరిశీలన ప్రారంభించారు. నగరంలోని మొత్తం పదహారు నియోజకవర్గాల్లో ఎంపిక చేసిన లబ్ధిదారుల ఇళ్లకు ప్రత్యక్షంగా వెళ్లి వివరాలు సేకరిస్తున్నారు. ఈ ప్రక్రియ ద్వారా అర్హులైన నిరుపేదలకు పారదర్శకంగా ఇళ్లు కేటాయించాలని ప్రభుత్వం భావిస్తోంది.

Read also: KCR Resign : కేసీఆర్ రాజీనామా చేస్తే రేవంత్ తట్టుకోగలడా ? కేటీఆర్ సూటి ప్రశ్న

Are you waiting for Indiramma houses?

ఇందిరమ్మ ఇళ్ల క్షేత్రస్థాయి పరిశీలన ప్రత్యేక బృందాల తనిఖీ

లాటరీ ద్వారా ఎంపికైన లబ్ధిదారుల వివరాలను పరిశీలించడానికి హౌసింగ్ బోర్డు ప్రత్యేక బృందాలను ఏర్పాటు చేసింది. ప్రతి నియోజకవర్గంలో రోజుకు నూట యాభై మంది ఇళ్లకు వెళ్లి అధికారులు వివరాలు తనిఖీ చేస్తున్నారు. దరఖాస్తుదారులు గత పదేళ్లుగా అదే నియోజకవర్గంలో ఉంటున్నారా లేదా అనే విషయాన్ని క్షుణ్ణంగా పరిశీలిస్తున్నారు. కుటుంబసభ్యుల వివరాలను ధ్రువీకరించి ఆ వివరాలను ప్రత్యేక యాప్‌లో నమోదు చేస్తున్నారు. తనిఖీ చేసిన ప్రతి ఇంటిని జియో ట్యాగింగ్ చేసి పూర్తి పారదర్శకత పాటిస్తున్నారు. ఈ పరిశీలన నాలుగు రోజుల్లో ముగియనుంది.

Indiramma Houses:వెయిటింగ్ జాబితా తుది లబ్ధిదారుల ఎంపిక విధానం

ప్రస్తుతం ప్రతి నియోజకవర్గానికి నిర్ణయించిన సంఖ్యలో లబ్ధిదారులను ఎంపిక చేసి ప్రత్యేక జాబితాను రూపొందించారు. తనిఖీ సమయంలో ఎవరైనా అనర్హులుగా తేలితే వారిని జాబితా నుంచి తొలగిస్తారు. ఆ స్థానంలో ముందుగానే సిద్ధం చేసిన వెయిటింగ్ జాబితాలోని వారికి అవకాశం కల్పిస్తారు. హౌసింగ్ బోర్డు అధికారిక పోర్టల్‌లో లబ్ధిదారుల వివరాలు అందుబాటులో ఉంచగా అభ్యంతరాలు ఉంటే అక్కడే తెలపవచ్చు. ఈ నాలుగు రోజుల పరిశీలన ప్రక్రియ పూర్తయిన వెంటనే తుది జాబితాను ప్రకటించి ఇళ్ల మంజూరు పత్రాలు అందజేస్తారు.

Epaper: epaper.vaartha.com

సెప్టెంబర్ 5న 100 పడకల ఆస్పత్రిని ప్రారంభించనున్న సీఎం రేవంత్ రెడ్డి