ఇన్‌స్టా ప్రేమ.. వివాహిత ఆత్మహత్య

Eluru Crime: సోషల్ మీడియా పరిచయాలు ఒక్కోసారి ఊహించని విషాదాలకు దారితీస్తాయి. ఇన్‌స్టాగ్రామ్‌లో ఏర్పడిన పరిచయం కాస్తా వివాహేతర సంబంధానికి, ఆపై ఇద్దరి ప్రాణాలు పోవడానికి కారణమైంది.

భర్త, ఇద్దరు పిల్లలను వదిలేసి ప్రియుడిని పెళ్లాడిన ఓ వివాహిత, చివరకు మనస్తాపంతో తనువు చాలించింది.

Insta love.. married woman commits suicide

Eluru Crime: ఘటన వివరాలు

శ్రీకాకుళం జిల్లా సింగుపురం గ్రామానికి చెందిన ఇర్రి రమ (34) అనే వివాహితకు, ఏలూరు జిల్లాకు చెందిన మావుళ్లయ్య (25) తో కొద్ది నెలల క్రితం ఇన్‌స్టాగ్రామ్ ద్వారా పరిచయం ఏర్పడింది. ఈ పరిచయం కాస్తా ప్రేమగా మారడంతో, రమ తన భర్తను, ఇద్దరు పిల్లలను వదిలిపెట్టి ప్రియుడి వద్దకు వచ్చేసింది. వీరిద్దరూ రహస్యంగా వివాహం చేసుకుని, మరో గ్రామంలో కాపురం పెట్టారు.

నిలదీసిన బంధువులు.. విషాదాంతం:

రమ అదృశ్యంపై ఆరా తీసిన ఆమె భర్త మరియు బంధువులు, వీరిద్దరూ కలిసి ఉంటున్న ప్రాంతాన్ని కనిపెట్టారు. అక్కడకు చేరుకుని వారిని నిలదీయడంతో తీవ్ర మనస్తాపానికి గురైన ఈ జంట, సమాజానికి ముఖం చూపించలేక ఆత్మహత్యకు పాల్పడ్డారు. స్థానికుల సమాచారంతో పోలీసులు కేసు నమోదు చేసుకుని దర్యాప్తు చేస్తున్నారు.