ఇరాన్ కోరికలను ఆమోదించే ప్రసక్తే లేదన్న వైట్ హౌస్

ఇరాన్ పంపిన శాంతి ప్రతిపాదనపై వైట్ హౌస్ ప్రెస్ సెక్రటరీ కరోలిన్ లీవిట్ సంచలన వ్యాఖ్యలు చేశారు. ఈ ప్రతిపాదనను ట్రంప్ చెత్తబుట్టలో పడేశారని తెలిపారు.

ఇవి ఆచరణయోగ్యం కావని, పూర్తిగా అసంబద్ధమైనవిగా ఉన్నాయన్నారు. ఇరాన్ పంపిన తొలి శాంతి ప్రతిపాదనను డొనాల్డ్ ట్రంప్, ఆయన సంప్రదింపుల బృందం ఎంత కఠినంగా తిరస్కరించాయో వైట్ హౌస్ ప్రెస్ సెక్రటరీ కరోలిన్ లీవిట్ చేసిన వ్యాఖ్యలు స్పష్టం చేస్తున్నాయి. ఇరాన్ ప్రతిపాదించిన అంశాలు అమెరికా జాతీయ ప్రయోజనాలకు ఏమాత్రం అనుగుణంగా లేవని, అందుకే ఆ ప్రతిపాదనను ప్రాథమికంగానే అసంబద్ధమైనదిగా పరిగణించి పక్కన పెట్టేశారని ఆమె వివరించారు. లీవిట్ మాటల్లో చెప్పాలంటే.. అధ్యక్షుడు ట్రంప్ ఆ ప్రతిపాదనను ఏమాత్రం ఉపేక్షించకుండా అక్షరాలా చెత్తబుట్టలో పడేశారు. ఇది ఇరాన్ పట్ల ట్రంప్ ప్రభుత్వం అనుసరిస్తున్న నిక్కచ్చి వైఖరిని ప్రతిబింబిస్తోంది.

Iran-America War

Iran-America War: ప్రపంచ ఇంధన రవాణాలో కీలకమైన హార్ముజ్ జలసంధి

ఇరాన్ తన కోరికల జాబితాను ఒక ఒప్పంద పత్రంలా భావించి పంపడం ఆమోదయోగ్యం కాదని, అటువంటి ఏకపక్ష డిమాండ్లను అమెరికా ఎన్నడూ అంగీకరించబోదని ఆమె నొక్కి చెప్పారు. ముఖ్యంగా, ప్రస్తుతం బహిరంగంగా ప్రచారంలో ఉన్న ఇరాన్ యొక్క 10-సూత్రాల ప్రణాళికకు, వాస్తవంగా చర్చల వేదికపై జరిగిన సంభాషణలకు అస్సలు పొంతన లేదని లీవిట్ వెల్లడించారు. ఇరాన్ ప్రభుత్వం ప్రజల ముందు ఒక రకమైన ప్రతిపాదనను ఉంచుతూ, తెరవెనుక మరో రకమైన అసమంజసమైన కోరికలను కోరుతోందని ఆమె వ్యాఖ్యల సారాంశం. ఇరాన్ పంపిన అసలు ప్రతిపాదనలో ఉన్న షరతులు ఎంత తీవ్రంగా ఉన్నాయంటే, అవి అమలులోకి వస్తే మధ్యప్రాచ్యంలో ఇరాన్ ఆధిపత్యం అపరిమితంగా పెరుగుతుంది. శాంతి చర్చల్లో ట్రంప్ వీటిని అంగీకరిస్తారా.. యుద్ధం ఆగినట్లేనా.. ఉదాహరణకు, టెహ్రాన్‌పై గతంలో విధించిన అన్ని రకాల ప్రాథమిక, ద్వితీయ ఆర్థిక ఆంక్షలను తక్షణమే ఎత్తివేయాలని ఇరాన్ డిమాండ్ చేస్తోంది. దీనితో పాటు, ప్రపంచ ఇంధన రవాణాలో కీలకమైన హార్ముజ్ జలసంధిపై పూర్తి నియంత్రణను సాధించాలని ఇరాన్ భావిస్తోంది. సంఘర్షణలు ప్రారంభం కాకముందు కూడా ఇరాన్‌కు లేని స్థాయిలో అధికారాన్ని ఇప్పుడు ఒక ఒప్పందం ద్వారా పొందాలని చూడటం అమెరికా దృష్టిలో హాస్యాస్పదంగా ఉంది.