లెబనాన్‌కు కాల్పుల విరమణ వర్తించదు: జేడీ వాన్స్

JD Vance Lebanon Comments: అమెరికా-ఇరాన్ మధ్య రెండు వారాల పాటు కాల్పుల విరమణ ఒప్పందం కుదిరినప్పటికీ, పశ్చిమాసియాలో శాంతి నెలకొనడం లేదు. తాజా ఒప్పందం లెబనాన్‌కు వర్తించదని అమెరికా ఉపాధ్యక్షుడు జేడీ వాన్స్ సంచలన వ్యాఖ్యలు చేశారు.

ఈ పరిణామాల నేపథ్యంలో ఇజ్రాయెల్ జరిపిన దాడుల్లో లెబనాన్‌లో 254 మంది మరణించడం అంతర్జాతీయంగా చర్చనీయాంశమైంది.

US Iran Ceasefire

JD Vance Lebanon Comments: అమెరికా వర్సెస్ పాకిస్థాన్: ఒప్పందంపై భిన్న వాదనలు

ఈ కాల్పుల విరమణ ఒప్పందం పరిధిపై అమెరికా, మధ్యవర్తిగా ఉన్న పాకిస్థాన్ మధ్య పొంతన లేని ప్రకటనలు వస్తున్నాయి.బుడాపెస్ట్‌లో మాట్లాడిన జేడీ వాన్స్, “కాల్పుల విరమణ లెబనాన్‌కు వర్తిస్తుందని అమెరికా ఎప్పుడూ అంగీకరించలేదు. ఇరాన్ ప్రతినిధులు దీనిని తప్పుగా అర్థం చేసుకున్నారు (Reasonable Misunderstanding). ఇది కేవలం అమెరికా-ఇరాన్ ప్రత్యక్ష ఘర్షణకు సంబంధించింది మాత్రమే” అని తేల్చి చెప్పారు.మరోవైపు పాకిస్థాన్ ప్రధాని షెహబాజ్ షరీఫ్ మాత్రం కాల్పుల విరమణలో లెబనాన్ కూడా ఒక భాగమేనని పేర్కొన్నారు. ఈ రెండు భిన్న ప్రకటనలు ఇప్పుడు దౌత్యపరమైన గందరగోళానికి దారితీశాయి.