JEE Advanced 2026 Data Leak: జేఈఈ (అడ్వాన్స్‌డ్‌) 2026 ఫలితాలకు సంబంధించిన విద్యార్థుల వ్యక్తిగత సమాచారం (Data) లీక్ అయిందంటూ సాగుతున్న ప్రచారాన్ని ఈ ఏడాది పరీక్షను నిర్వహించిన ఐఐటీ రూర్కీ (IIT Roorkee) తీవ్రంగా ఖండించింది.

క్లౌడ్ స్టోరేజ్ కాన్ఫిగరేషన్‌లో లోపం వల్ల లక్షలాది మంది విద్యార్థుల డేటా ప్రమాదంలో పడిందంటూ సోషల్ మీడియాలో వస్తున్న వార్తలు పూర్తిగా అసత్యమని స్పష్టం చేసింది.

Read Also:LAW CET 2026 Results: తెలంగాణ లా సెట్‌ ఫలితాలు విడుదల

డేటా భద్రతకు ఎలాంటి ముప్పు లేదు

It clarified that the candidates’ information is completely secure.

గత కొన్ని గంటలుగా జేఈఈ అడ్వాన్స్‌డ్ అభ్యర్థుల గోప్యతకు భంగం వాటిల్లిందంటూ వస్తున్న కథనాలపై ఐఐటీ రూర్కీ అధికారికంగా స్పందించింది. సోషల్ మీడియా వేదికగా ప్రచారంలో ఉన్న వార్తల్లో ఎలాంటి నిజం లేదని ఇన్స్టిట్యూట్ తేల్చిచెప్పింది. విద్యార్థుల వ్యక్తిగత సమాచారం, పరీక్షల డేటా భద్రతకు అత్యంత ప్రాధాన్యత ఇస్తున్నామని.. గోప్యత పరిరక్షణకు అవసరమైన అన్ని రకాల అధునాతన సైబర్ భద్రతా చర్యలు (Cybersecurity Measures) అమల్లో ఉన్నాయని వెల్లడించింది.

JEE Advanced 2026 Data Leak:వదంతులను నమ్మవద్దు: విద్యార్థులు, తల్లిదండ్రులకు సూచన

నిర్ధారణ లేని, నిరాధారమైన ఇటువంటి తప్పుడు వార్తలను చూసి ఆందోళన చెందవద్దని ఐఐటీ రూర్కీ విద్యార్థులకు, వారి తల్లిదండ్రులకు సూచించింది. పరీక్ష మరియు ఫలితాలకు సంబంధించిన ఎలాంటి అధికారిక సమాచారానికైనా కేవలం జేఈఈ (అడ్వాన్స్‌డ్‌) అధికారిక వెబ్‌సైట్‌ను మాత్రమే సంప్రదించాలని స్పష్టం చేసింది. ప్రతిష్టాత్మకమైన ఐఐటీల్లో ప్రవేశాల కోసం నిర్వహించే ఈ పరీక్షకు సంబంధించిన డేటా అత్యంత సురక్షితమైన సర్వర్లలో భద్రపరచబడి ఉంటుందని, ఎలాంటి సైబర్ చొరబాట్లు జరగలేదని ఐఐటీ రూర్కీ వర్గాలు నిర్ధారించాయి.