Bangalore Crime: బెంగళూరు నగరంలో నివసించే ఒక బ్యూటీషియన్‌కు మోహన్ కుమార్ అనే జ్యోతిష్యుడు పరిచయమయ్యాడు. ఆర్థిక కష్టాలు తొలగిస్తానని, ఇంట్లో ప్రత్యేక పూజలు చేయాలని ఆమెను నమ్మించాడు.

ఈ క్రమంలో జనవరి 30న ఆ మహిళపై మొదటిసారి బలవంతంగా దాడి చేశాడు. భవిష్యత్తు బాగుంటుందనే నమ్మకాన్ని ఆసరాగా చేసుకుని అతను ఈ ఘాతుకానికి పాల్పడ్డాడు.

Read also: Karimnagar Jewellery Robbery: జ్యువెలరీ షాపులో కాల్పుల కలకలం.. ఒకరు మృతి!

Astrologer fraud case in Bangalore

Bangalore Crime: కుటుంబ సభ్యుల ప్రాణాలకు ముప్పు

నిందితుడు ఫిబ్రవరి 10న నేరుగా మహిళ ఇంటికే వెళ్ళాడు. ఇంట్లో ఉన్న భర్త, కుమారుడిని బయటకు పంపి ఆమెపై మళ్ళీ అఘాయిత్యం చేశాడు. ఈ విషయం ఎవరికైనా చెబితే భర్త, కొడుకు చనిపోతారని ఘోరంగా బెదిరించాడు. ఆ భయంతోనే బాధితురాలు కొన్ని రోజులు మౌనంగా ఉన్నా, చివరకు ధైర్యం చేసి పోలీసులను ఆశ్రయించింది.

పోలీసుల వేట ప్రారంభం

బాధితురాలు ఇచ్చిన ఫిర్యాదుతో పోలీసులు మోహన్ కుమార్ మీద కేసు నమోదు చేశారు. ప్రస్తుతం ఆ జ్యోతిష్యుడు పరారీలో ఉన్నట్లు అధికారులు గుర్తించారు. నిందితుడి కోసం గాలింపు చర్యలు ముమ్మరం చేశారు. ఇలాంటి మోసగాళ్ల మాటలు నమ్మి మహిళలు మోసపోవద్దని, ఏదైనా ఇబ్బంది ఉంటే వెంటనే పోలీసులకు సమాచారం అందించాలని సూచించారు.