Cognizant Layoffs: ఐటీ దిగ్గజం కాగ్నిజెంట్ తన సంస్థలో పెద్ద ఎత్తున మార్పులు చేస్తోంది. ప్రాజెక్ట్ లీప్ అనే కొత్త విధానం ద్వారా దాదాపు 4వేల మంది సిబ్బందిని తొలగించాలని నిర్ణయించింది.

ప్రధానంగా ఆర్టిఫిషియల్ ఇంటెలిజెన్స్ సాంకేతికతకు ప్రాధాన్యత ఇవ్వడం కోసమే ఈ కఠిన నిర్ణయం తీసుకున్నట్లు తెలుస్తోంది. ఖర్చులను నియంత్రించి లాభాల బాట పట్టడమే కంపెనీ అసలు ఉద్దేశం.

Read also: TG Inter Supplementary Exams 2026: ఇంటర్ సప్లిమెంటరీ పరీక్షల ఫీజు గడువు పొడిగింపు!

Cognizant Layoffs: మిడ్ లెవల్ టెక్కీలపై ప్రభావం

Cognizant Project Leap layoffs 2026

ఈ తొలగింపులు ఎక్కువగా మధ్య స్థాయి హోదాలో ఉన్న టెక్ నిపుణులపై పడనున్నాయి. బాధితులకు పరిహారం అందించడం కోసం సుమారు 2,430 కోట్ల రూపాయలను కంపెనీ ప్రత్యేకంగా కేటాయించింది. సీఈఓ రవికుమార్ నేతృత్వంలో జరుగుతున్న ఈ ప్రక్షాళన ద్వారా కంపెనీకి ఏడాదికి భారీగా ఆదా అవుతుందని అంచనా వేస్తున్నారు. ఆఫీసు స్థలాలను తగ్గించుకోవడం కూడా ఈ ప్లాన్ లో భాగమే.

ఖర్చుల తగ్గింపుపై దృష్టి

ఈ రీస్ట్రక్చరింగ్ ద్వారా ఏటా దాదాపు 2,700 కోట్ల రూపాయలు మిగులుతాయని యాజమాన్యం భావిస్తోంది. ఆధునిక టెక్నాలజీ వైపు మళ్లుతున్న క్రమంలో పాత పద్ధతులకు స్వస్తి పలుకుతూ ఈ మార్పులు చేస్తున్నారు. ఉద్యోగుల తొలగింపు ఐటీ రంగంలో తీవ్ర చర్చకు దారితీసింది. కంపెనీ తన ఉత్పాదకతను పెంచుకోవడానికి ఈ నిర్ణయం తప్పనిసరి అని వివరిస్తోంది.

Read Also hindi news: hindi.vaartha.com