Karthi Sardar 2 Movie: కోలీవుడ్ స్టార్ హీరో కార్తీ నటించిన బ్లాక్బస్టర్ స్పై థ్రిల్లర్ 'సర్దార్' చిత్రానికి కొనసాగింపుగా తెరకెక్కుతున్న మోస్ట్ అవేటెడ్ సీక్వెల్ 'సర్దార్-2' విడుదల తేదీని మేకర్స్ అధికారికంగా ఖరారు చేశారు.
ఈ భారీ యాక్షన్ ఎంటర్టైనర్ను రాబోయే వినాయక చవితి కానుకగా సెప్టెంబర్ 10న ప్రపంచవ్యాప్తంగా ప్రేక్షకుల ముందుకు తీసుకురానున్నట్లు చిత్ర యూనిట్ ప్రకటించింది. పార్ట్-1 బాక్సాఫీస్ వద్ద ఘనవిజయం సాధించడంతో ఈ సీక్వెల్పై అటు కోలీవుడ్, ఇటు టాలీవుడ్లో భారీ అంచనాలు నెలకొన్నాయి.
Read Also : Megastar Chiranjeevi: ఒక తండ్రిగా గర్వంగా ఉంది.. రామ్ చరణ్పై చిరంజీవి ఎమోషనల్ పోస్ట్!
The release date for Karthi’s ‘Sardar 2’ is out!
Karthi Sardar 2 Movie: ఈసారి డబుల్ యాక్షన్.. గ్లామర్ అండ్ విలనిజం
‘సర్దార్ 2’ చిత్రాన్ని మొదటి భాగం కంటే మరింత ప్రతిష్ఠాత్మకంగా, హై బడ్జెట్తో తెరకెక్కిస్తున్నారు. ఈ సినిమాలో కార్తీ సరసన క్రేజీ బ్యూటీస్ మాళవిక మోహనన్, ఆషికా రంగనాథ్లు హీరోయిన్లుగా నటిస్తున్నారు. వీరి గ్లామర్ సినిమాకు అదనపు ఆకర్షణ కానుంది. ఇక సినిమాలో అత్యంత కీలకమైన విలన్ పాత్రలో వెర్సటైల్ యాక్టర్ ఎస్జే సూర్య కనిపించనుండటం విశేషం. కార్తీ, ఎస్జే సూర్య మధ్య వచ్చే మైండ్ గేమ్స్, యాక్షన్ సీక్వెన్సులు ఈ చిత్రంలో ప్రధాన హైలైట్గా నిలవనున్నాయని టాక్.
మొదటి భాగంలో నీటి కాలుష్యం, ప్లాస్టిక్ మాఫియా నేపథ్యంలో సాగే కథను చూపించిన దర్శకుడు, ఈ పార్ట్-2 లో అంతకుమించిన ఒక అంతర్జాతీయ స్థాయి స్పై ఎలిమెంట్తో కథను సిద్ధం చేసినట్లు తెలుస్తోంది. కార్తీ విభిన్న గెటప్లలో అలరించనున్న ఈ చిత్రం సెప్టెంబర్ రేస్లో నిలవడంతో బాక్సాఫీస్ వద్ద కలెక్షన్ల వర్షం కురవడం ఖాయమని సినీ విశ్లేషకులు భావిస్తున్నారు.