SI Hariprasad Dismissed: కర్నూలు ట్రాఫిక్ పోలీసు స్టేషన్‌లో ఎస్సైగా విధులు నిర్వర్తిస్తున్న హరిప్రసాద్‌ను సర్వీసు నుంచి శాశ్వతంగా తొలగిస్తూ కర్నూలు రేంజ్ డీఐజీ డాక్టర్ కోయ ప్రవీణ్ సంచలన ఉత్తర్వులు జారీ చేశారు.

2012 బ్యాచ్‌కు చెందిన ఈ అధికారి స్వస్థలం వైఎస్సార్ కడప జిల్లా కాగా, ఆయన సుదీర్ఘ కాలం నంద్యాల జిల్లాలో పనిచేశారు. అయితే, తన కెరీర్ ప్రారంభం నుండి హరిప్రసాద్ వివాదాస్పద అధికారిగా ముద్రపడ్డారు. గతంలో ఆళ్లగడ్డ రూరల్ పోలీసు స్టేషన్‌లో పనిచేస్తున్న సమయంలో ఒక ట్రాక్టర్ డ్రైవర్‌ను డబ్బు కోసం వేధించినట్లు ఆరోపణలు వచ్చాయి. సదరు డ్రైవర్ వేధింపులు భరించలేక ఆత్మహత్యాయత్నం చేస్తూ ఆ వీడియోను నేరుగా మంత్రి లోకేష్‌కు పంపడం అప్పట్లో తీవ్ర చర్చనీయాంశమైంది. ఈ ఘటనను తీవ్రంగా పరిగణించిన డీజీపీ ఆదేశాల మేరకు హరిప్రసాద్ గతంలోనే ఒకసారి సస్పెన్షన్‌కు గురయ్యారు.

Read Also: Jangaon Crime: మహిళతో సహజీవనం: పెట్రోల్ పోసుకుని యువకుడి బలవన్మరణం

అక్రమ సంబంధం మరియు వేధింపుల ఉదంతం

సస్పెన్షన్ అనంతరం చిత్తూరు జిల్లాలో పనిచేసి, ఇటీవలే కర్నూలు ట్రాఫిక్ పోలీస్ స్టేషన్‌కు బదిలీపై వచ్చారు. అయితే, కొన్నేళ్ల క్రితం నంద్యాల జిల్లాకు చెందిన ఒక యువతిని మాయమాటలతో లోబరుచుకున్న ఆయన, దాదాపు మూడేళ్ల పాటు ఆమెతో సన్నిహితంగా ఉన్నారు. ఎస్సై నిజస్వరూపం తెలుసుకున్న ఆ యువతి ఆయనకు దూరంగా ఉంటూ మరో వ్యక్తితో వివాహానికి సిద్ధపడింది. దీనిని జీర్ణించుకోలేకపోయిన హరిప్రసాద్, సదరు యువతిని వేధిస్తూ గతంలో తనతో దిగిన వ్యక్తిగత ఫోటోలను ఆమెకు కాబోయే భర్తకు పంపారు. ఈ చర్యతో ఆమె వివాహం చెడిపోవడంతో బాధితురాలి తల్లిదండ్రులు ఉన్నతాధికారులకు ఫిర్యాదు చేశారు.