8th Pay Commission: కేంద్ర ప్రభుత్వ ఉద్యోగులు, పెన్షనర్ల వేతన సవరణకు సంబంధించి అత్యంత కీలకమైన 8వ కేంద్ర వేతన సంఘం (8th Pay Commission) ప్రక్రియ శరవేగంగా సాగుతోంది.
నివేదిక సమర్పించడానికి నిర్దేశించిన 18 నెలల కాలపరిమితిలో కమిషన్ ఇప్పటికే సగానికి పైగా పనులను పూర్తి చేసుకుంది. 2027 మధ్య నాటికి ఈ కమిషన్ తన తుది నివేదికను ప్రభుత్వానికి సమర్పించే అవకాశం ఉంది. భారత సుప్రీంకోర్టు మాజీ న్యాయమూర్తి జస్టిస్ రంజనా ప్రకాష్ దేశాయ్ ఈ కమిషన్కు ఛైర్పర్సన్గా వ్యవహరిస్తుండగా, ఐఐఎం బెంగళూరు ప్రొఫెసర్ పులక్ ఘోష్ పార్ట్-టైమ్ సభ్యుడిగా, పెట్రోలియం మంత్రిత్వ శాఖ కార్యదర్శి పంకజ్ జైన్ సభ్య కార్యదర్శిగా వ్యవహరిస్తున్నారు.
Read Also:New Rules: నేటితో ముగియనున్న ITR, LPG కేవైసీ గడువు.. రేపటి నుంచి కొత్త రూల్స్!
ఫిట్మెంట్ ఫ్యాక్టర్ & ఐక్రాయిడ్ ఫార్ములా
కొత్త వేతనాల నిర్ణయంలో ఫిట్మెంట్ ఫ్యాక్టర్ (Fitment Factor) అత్యంత ప్రాధాన్యమైన అంశంగా మారింది. ఉద్యోగుల కనీస జీవన వ్యయం, పోషకాహారం, దుస్తులు, నివాసం వంటి ప్రాథమిక అవసరాలను ప్రాతిపదికగా తీసుకునే డాక్టర్ వాలెస్ ఐక్రాయిడ్ ఫార్ములాను కేంద్ర ప్రభుత్వం పరిశీలించే అవకాశం ఉంది.
- జీతం లెక్కింపు సూత్రం: సవరించిన జీతం = బేసిక్ పే × ఫిట్మెంట్ ఫ్యాక్టర్
- ప్రస్తుత కనీస వేతనం: రూ. 18,000 (మూల వేతనం), రూ. 9,000 (కనీస పింఛను).
(గమనిక: 8వ పే కమిషన్ సిఫార్సులు అమల్లోకి వచ్చిన వెంటనే ప్రస్తుతం ఇస్తున్న కరువారీ భత్యం (DA/DR) సున్నాకి రీసెట్ చేయబడుతుంది).
8th Pay Commission: వివిధ ఫిట్మెంట్ ఫ్యాక్టర్ల ఆధారంగా రాబోయే కనీస వేతనాలు & పింఛన్లు
| ఫిట్మెంట్ ఫ్యాక్టర్ | కనీస మూల వేతనం (రూ.) | కనీస పింఛను (రూ.) |
| 1.80 | రూ. 32,400 | రూ. 16,200 |
| 1.92 | రూ. 34,560 | రూ. 17,280 |
| 2.00 | రూ. 36,000 | రూ. 18,000 |
| 2.08 | రూ. 37,440 | రూ. 18,720 |
| 2.57 | రూ. 46,260 | రూ. 23,130 |
| 2.86 | రూ. 51,480 | రూ. 25,740 |
| 3.833 | రూ. 69,000 | రూ. 34,500 |
Epaper: epaper.vaartha.com
పెట్రోల్లో ఇథనాల్ శాతం వెల్లడిపై 'పిల్' తిరస్కరించిన సుప్రీంకోర్టు!