గత పదేళ్లుగా అధికారంలో ఉన్న ఎల్డీఎఫ్ (LDF) కూటమిని గద్దె దించి, హ్యాట్రిక్ విజయాన్ని అడ్డుకోవడమే లక్ష్యంగా యుడిఎఫ్ (UDF) కూటమి ప్రచారాన్ని హోరెత్తిస్తోంది. ముఖ్యంగా మహిళలు, యువత మరియు రైతుల ఓట్లే లక్ష్యంగా ఈ ఐదు గ్యారెంటీలను రూపొందించారు. తెలంగాణలో ఆరు గ్యారెంటీలతో అధికారం దక్కించుకున్న అనుభవంతో, ఇప్పుడు కేరళలోనూ అదే తరహా సంక్షేమ మంత్రం పలికి విజయం సాధించాలని హస్తం పార్టీ పట్టుదలతో ఉంది.

Read Also : New Rules from April 1st: ఏప్రిల్ 1 నుంచి మారే కీలక అంశాలు ఇవే!

తెలంగాణ vs కేరళ: గ్యారెంటీల మధ్య వ్యత్యాసం

తెలంగాణ మరియు కేరళ రాష్ట్రాల ఆర్థిక పరిస్థితులు, ఆదాయ వనరుల మధ్య ఉన్న వ్యత్యాసాన్ని బట్టి కాంగ్రెస్ తన హామీలను మార్చుకుంది. తెలంగాణలో మహిళలకు నెలకు రూ.2,500 ఇస్తామని హామీ ఇవ్వగా, కేరళలో మాత్రం కాలేజీ అమ్మాయిలకు నెలకు రూ.1,000 ఆర్థిక సాయం అందిస్తామని ప్రకటించింది. అలాగే, తెలంగాణలో ఆరోగ్యశ్రీ పరిధిని రూ.10 లక్షలకు పెంచగా, కేరళలో మాత్రం మాజీ సీఎం ఉమెన్ చాందీ పేరుతో ఏకంగా రూ.25 లక్షల ఆరోగ్య బీమాను హామీగా ఇచ్చింది. పెన్షన్ల విషయంలోనూ తెలంగాణలో రూ.4,000 హామీ ఇవ్వగా, కేరళలో ప్రస్తుతమున్న రూ.2,000 నుండి రూ.3,000కు పెంచుతామని తెలిపింది. స్థానిక పరిస్థితులకు అనుగుణంగా, మలయాళీలను ఆకట్టుకునేలా ఈ మార్పులు చేసినట్లు కనిపిస్తోంది.

రైతు భరోసా మరియు యువతకు వడ్డీ లేని రుణాలు

వ్యవసాయ రంగంపై ఆధారపడిన వర్గాలను ఆకట్టుకోవడానికి కేరళలో రబ్బరు రైతులకు కిలోకు రూ.250 మద్దతు ధర ఇస్తామని కాంగ్రెస్ హామీ ఇచ్చింది. తెలంగాణలో రైతు భరోసా కింద ఎకరానికి రూ.16,000 ఇస్తామని హామీ ఇచ్చినప్పటికీ, ప్రస్తుతం రూ.12,000 కు పరిమితం చేసిన విషయం ఇక్కడ గమనార్హం. నిరుద్యోగ యువత సొంతంగా వ్యాపారాలు చేసుకునేందుకు రూ.5 లక్షల వరకు వడ్డీ లేని రుణాలను కేరళలో ప్రకటించింది. తెలంగాణలో అమలు చేస్తున్న ఉచిత విద్యుత్ (గృహ జ్యోతి), రూ.500 కే గ్యాస్ సిలిండర్ వంటి విజయవంతమైన పథకాలను ప్రస్తావిస్తూ కేరళ ఓటర్లను ప్రసన్నం చేసుకునేందుకు ప్రయత్నిస్తోంది. చదువుకున్న వారు ఎక్కువగా ఉన్న కేరళలో, ఈ ఆచరణాత్మక హామీలు హస్తం పార్టీకి ఎంతవరకు అధికారాన్ని కట్టబెడతాయో వేచి చూడాలి.

Read Also hindi news: hindi.vaartha.com

Read Also Epaper : epaper.vaartha.com

Read Also :

రేపు నెల్లూరు, కడప జిల్లాల్లో సీఎం చంద్రబాబు పర్యటన