లెబనాన్ పై విధ్వంసం సృష్టించిన ఇజ్రాయెల్

Israel Lebanon Attacks: పశ్చిమాసియాలో ఉద్రిక్తతలు మరోసారి పరాకాష్టకు చేరాయి. లెబనాన్‌పై ఇజ్రాయెల్ డిఫెన్స్ ఫోర్సెస్ (IDF) ఊహించని స్థాయిలో విరుచుకుపడ్డాయి.

కేవలం 10 నిమిషాల వ్యవధిలోనే లెబనాన్ వ్యాప్తంగా వందకు పైగా లక్ష్యాలపై ఇజ్రాయెల్ వాయుసేన బాంబుల వర్షం కురిపించింది. ఈ ఘోర కలికాలంలో ఇప్పటివరకు 254 మంది ప్రాణాలు కోల్పోగా, వెయ్యి మందికి పైగా తీవ్రంగా గాయపడినట్లు లెబనాన్ ఆరోగ్య శాఖ వెల్లడించింది. మృతుల సంఖ్య ఇంకా పెరిగే అవకాశముందని అధికారులు ఆందోళన వ్యక్తం చేస్తున్నారు.

Israel wreaked havoc on Lebanon

Israel Lebanon Attacks: 1982 తర్వాత అతిపెద్ద దాడి

ఇజ్రాయెల్ జరిపిన ఈ మెరుపు దాడులు లెబనాన్ రాజధాని బీరుట్ (Beirut), వ్యూహాత్మక ప్రాంతమైన బెక్కా వ్యాలీ (Bekaa Valley) తో పాటు దక్షిణ లెబనాన్‌లోని పలు నగరాలను అతలాకుతలం చేశాయి. హిజ్బుల్లా (Hezbollah) స్థావరాలే లక్ష్యంగా ఈ దాడులు చేసినట్లు ఇజ్రాయెల్ ప్రకటించినప్పటికీ, బాంబుల దాటికి పెద్ద ఎత్తున నివాస భవనాలు నేలమట్టమయ్యాయి. చరిత్రకారుల ప్రకారం.. 1982 లెబనాన్ యుద్ధం తర్వాత ఆ దేశంపై ఇజ్రాయెల్ చేసిన అతిపెద్ద మరియు అత్యంత విధ్వంసకర దాడి ఇదే కావడం గమనార్హం.