వైఎస్సార్సీపీ ప్రభుత్వంలో మాజీ మంత్రిగా పనిచేసిన కారుమూరి నాగేశ్వరరావు కుమారుడు కారుమూరి సునీల్‌ను ఈడీ అధికారులు హైదరాబాద్‌లో అధికారికంగా అరెస్టు చేశారు. లిక్కర్ రవాణా టెండర్ల కేటాయింపు ప్రక్రియలో పెద్ద ఎత్తున నిబంధనల ఉల్లంఘనలు, ఆర్థిక అక్రమాలకు పాల్పడ్డారనే బలమైన సాక్ష్యాధారాల ఆధారంగానే ఈ అరెస్ట్ జరిగినట్లు తెలుస్తోంది. సునీల్‌కు సంబంధించిన నివాసాలు, కార్యాలయాల్లో సుదీర్ఘంగా తనిఖీలు నిర్వహించి, కీలక పత్రాలను స్వాధీనం చేసుకున్న అనంతరం అధికారులు ఆయన్ను అదుపులోకి తీసుకున్నారు. వైద్య పరీక్షల అనంతరం కారుమూరి సునీల్‌ను ఈడీ ప్రత్యేక కోర్టులో హాజరుపరిచేందుకు అధికారులు సర్వం సిద్ధం చేశారు.

Read Also : సాయికృష్ణను హత్య చేసి..కృష్ణానదిలో అస్థికలు కలిపేశారు:కేశినేని నాని

రూ.195 కోట్ల ప్రభుత్వ ఖజానాకు గండి: విచారణలో వెలుగుచూసిన అక్రమాలు

గత ప్రభుత్వ హయాంలో ఆంధ్రప్రదేశ్ రాష్ట్ర బెవరేజెస్ కార్పొరేషన్ లిమిటెడ్ (APSBCL) పరిధిలో జరిగిన మద్యం రవాణా కాంట్రాక్టులలో నిబంధనలను తుంగలో తొక్కి, తమకు అనుకూలమైన వారికి టెండర్లు కట్టబెట్టడం ద్వారా ప్రభుత్వ ఖజానాకు సుమారు రూ.195 కోట్ల మేర భారీ నష్టం చేకూర్చారనేది ఈ కేసులో ప్రధాన ఆరోపణ. ఈ భారీ స్కామ్‌లో ఇప్పటికే కీలక సూత్రధారులుగా భావిస్తున్న రాజ్ కేసీ రెడ్డితో పాటు, ఏపీఎస్‌బీసీఎల్ మాజీ మేనేజింగ్ డైరెక్టర్ (MD) వాసుదేవరెడ్డిలను ఈడీ అధికారులు అరెస్టు చేసి విచారిస్తున్న సంగతి తెలిసిందే. వారిచ్చిన వాంగ్మూలాలు, మనీ లాండరింగ్ లింకుల ఆధారంగానే ఇప్పుడు మాజీ మంత్రి కుమారుడు సునీల్ పాత్ర బయటపడిందని, దీంతో ఈ కేసులో అరెస్టుల పర్వం మరింత వేగవంతమైందని అధికారిక వర్గాలు పేర్కొంటున్నాయి. ఈ పరిణామం ఏపీలోని విపక్ష పార్టీ నేతల్లో తీవ్ర గుబులు రేపుతోంది.

Read Also hindi news: hindi.vaartha.com

Read Also Epaper : epaper.vaartha.com

Read Also :

కిలో 5 రూపాయలేనా? మామిడి ధరలపై వైసీపీ నిరసన!