ఈ ప్రమాదంలో చెన్నైకి చెందిన ఒక కళాశాలలో చదువుతున్న ముగ్గురు విద్యార్థులు మరణించగా, మరో నలుగురు విద్యార్థులు తీవ్రంగా గాయపడ్డారు.

పోలీసులు తెలిపిన వివరాల ప్రకారం.. చెన్నైకి చెందిన ఏడుగురు కళాశాల విద్యార్థులు పుదుచ్చేరి పర్యటనను ముగించుకుని SUV వాహనంలో తిరిగి వస్తుండగా ఈ ప్రమాదం చోటుచేసుకుంది. మధురాంతకం సమీపంలోకి రాగానే వాహనం వెనుక టైర్ ఒక్కసారిగా పేలిపోయింది. దీంతో డ్రైవర్ వాహనంపై నియంత్రణ కోల్పోవడంతో SUV రోడ్డు పక్కకు దూసుకెళ్లి తీవ్రంగా దెబ్బతింది. వాహనంలో ప్రయాణిస్తున్న ఏడుగురు విద్యార్థులూ ప్రమాదంలో తీవ్రంగా గాయపడ్డారు.

Read Also : Madhya Pradesh Bus Accident: మధ్యప్రదేశ్‌ రాజ్‌గఢ్‌లో ఘోర రోడ్డు ప్రమాదం.. ఐదుగురు మృతి

Car overturns after tyre burst in Madhuranthakam; four students killed.

Maduranthakam Road Accident: చికిత్స పొందుతూ ముగ్గురు మృతి

సమాచారం అందుకున్న వెంటనే పోలీసులు, అత్యవసర సహాయక సిబ్బంది ఘటనా స్థలానికి చేరుకుని సహాయక చర్యలు చేపట్టారు. గాయపడిన వారిని వెంటనే చెంగల్పేట, మదురాంతకంలోని ప్రభుత్వ ఆసుపత్రులకు తరలించారు. ఆసుపత్రిలో చికిత్స పొందుతూ రాజ్ ప్రసాద్, దుతేరన్, దీపక్ తీవ్ర గాయాల కారణంగా కన్నుమూశారు.

చికిత్స పొందుతున్న బాధితులు, పోలీసు దర్యాప్తు

గాయపడిన మిగిలిన నలుగురు విద్యార్థులలో రామ్‌ప్రసాద్, లోకేశ్వరన్‌లను మెరుగైన వైద్యం కోసం ఎస్ఆర్ఎం ఆసుపత్రికి తరలించగా, హరికృష్ణన్, అనీశ్వరన్‌లు చెంగల్పేట ప్రభుత్వ ఆసుపత్రిలో ప్రస్తుతం చికిత్స పొందుతున్నారు. ప్రమాదం కారణంగా జాతీయ రహదారిపై కొంతసేపు ట్రాఫిక్‌కు అంతరాయం కలగగా, పోలీసులు ప్రమాదానికి గురైన వాహనాన్ని తొలగించి వాహన రాకపోకలను పునరుద్ధరించారు. ఈ ఘటనపై మదురాంతకం పోలీసులు కేసు నమోదు చేసి దర్యాప్తు చేస్తున్నారు.

రేవా ప్రభుత్వ ఆస్పత్రిలో తీవ్ర విషాదం: తల్లీబిడ్డల అనుమానాస్పద మృతి