మహానాడుకు కాసుల వర్షం.. ఏకంగా రూ. 25.61 కోట్ల విరాళాలు

TDP Mahanadu Donations: తెలుగుదేశం పార్టీ (TDP) ప్రతిష్టాత్మక వార్షిక పండుగ 'మహానాడు' ముగింపు వేడుకల వేళ పార్టీకి విరాళాలు వెల్లువెత్తాయి. రెండు రోజుల పాటు అత్యంత వైభవంగా జరిగిన ఈ వేడుకల్లో పార్టీ శ్రేణులు, ప్రజాప్రతినిధులు, పారిశ్రామికవేత్తలు మరియు శ్రేయోభిలాషులు భారీగా ఆర్థిక చేయూతను అందించారు.

మహానాడు వేదికగా పార్టీకి మొత్తం రూ. 25.61 కోట్ల విరాళాలు అందినట్లు టిడిపి అధినేత, ఆంధ్రప్రదేశ్ ముఖ్యమంత్రి నారా చంద్రబాబు నాయుడు అధికారికంగా ప్రకటించారు. ముఖ్యమంత్రి చంద్రబాబు నాయుడు స్వయంగా వేదికపై నుండి విరాళాలు అందించిన ప్రతి ఒక్కరి పేరును చదివి, వారికి ప్రత్యేకంగా కృతజ్ఞతలు మరియు అభినందనలు తెలిపారు. మహానాడులో భాగంగా:

తొలిరోజు విరాళాలు: రూ. 12.44 కోట్లు
రెండో రోజు విరాళాలు: రూ. 13.17 కోట్లు
మొత్తం కలెక్షన్: రూ. 25.61 కోట్లు

TDP Mahanadu Donations:వేమిరెడ్డి దంపతుల రికార్డు విరాళం.. ఎన్టీఆర్ కాలం నాటి సంప్రదాయం

TDP Mahanadu 2026 Donations Total Collection

ఈ విరాళాల సేకరణలో నెల్లూరు ఎంపీ వేమిరెడ్డి ప్రభాకర్ రెడ్డి, ఆయన సతీమణి కోవూరు ఎమ్మెల్యే వేమిరెడ్డి ప్రశాంతిరెడ్డి దంపతులు అత్యధికంగా రూ. 5 కోట్ల విరాళాన్ని ప్రకటించి అగ్రస్థానంలో నిలిచారు. ఈ సందర్భంగా చంద్రబాబు మాట్లాడుతూ.. పార్టీ కోసం వివిధ రూపాల్లో శ్రమిస్తున్న ప్రతి ఒక్కరినీ అభినందించారు. కొందరు క్షేత్రస్థాయిలో, మరికొందరు సోషల్ మీడియాలో పోరాడుతుంటే, ఇంకొందరు ఆర్థికంగా పార్టీకి కొండంత అండగా నిలుస్తున్నారని కొనియాడారు. పార్టీ వ్యవస్థాపకులు నందమూరి తారకరామారావు (NTR) హయాం నుంచే మహానాడులో విరాళాలు స్వీకరించే సాంప్రదాయం ఉందని, గతంలో ఇందుకోసం ప్రత్యేకంగా హుండీలను ఏర్పాటు చేసేవారమని సీఎం చంద్రబాబు ఈ సందర్భంగా గుర్తుచేసుకున్నారు.