మంగళగిరిలో రాత్రి అత్యంత ఉత్కంఠభరితంగా జరిగిన ఫైనల్ మ్యాచ్‌లో గోదావరి గోల్డెన్ ఈగిల్స్‌పై 6 వికెట్ల తేడాతో ఘన విజయం సాధించి ట్రోఫీని కైవసం చేసుకుంది. ఈ చారిత్రాత్మక విజయం పట్ల రాష్ట్ర ఐటీ, మానవ వనరుల అభివృద్ధి శాఖ మంత్రి నారా లోకేశ్ హర్షం వ్యక్తం చేశారు.

Read Also : Muktyala Machilipatnam Waterway : ముక్త్యాల-మచిలీపట్నం జలమార్గంతో కొత్త రవాణా మార్గం

Minister Nara Lokesh congratulates the winners of the Women's APL!

Women Andhra Premier League: మంత్రి నారా లోకేశ్ ప్రత్యేక అభినందనలు

ఈ టోర్నమెంట్ విజయంపై మంత్రి లోకేశ్ సోషల్ మీడియా వేదికగా స్పందిస్తూ.. డబ్ల్యూఏపీఎల్ ఛాంపియన్‌గా నిలిచిన రాయలసీమ జెన్ స్టార్స్ జట్టుకు ప్రత్యేక అభినందనలు తెలిపారు. అదే సమయంలో, ఫైనల్లో చివరి వరకు పోరాడిన రన్నరప్ గోదావరి గోల్డెన్ ఈగిల్స్ జట్టు ప్రదర్శించిన స్ఫూర్తిని కూడా కొనియాడారు. "తొలి మహిళల ఆంధ్ర ప్రీమియర్ లీగ్ ఛాంపియన్‌గా నిలిచిన రాయలసీమ జెన్ స్టార్స్‌కు అభినందనలు. రన్నరప్‌గా నిలిచిన గోదావరి గోల్డెన్ ఈగిల్స్ కూడా అద్భుతమైన పోరాటపటిమను కనబరిచింది" అని పేర్కొన్నారు.

ఏసీఏ బృందానికి ప్రశంసలు

ఆంధ్రప్రదేశ్‌ వ్యాప్తంగా ఉన్న మహిళా క్రికెటర్లలోని ప్రతిభను వెలికితీసి, వారికి తగిన ప్రోత్సాహం అందించేందుకు డబ్ల్యూఏపీఎల్ ఒక అద్భుతమైన వేదికను సృష్టించిందని మంత్రి ప్రశంసించారు. ఈ టోర్నమెంట్‌ను అత్యంత విజయవంతంగా నిర్వహించిన ఆంధ్ర క్రికెట్ అసోసియేషన్ (ఏసీఏ) బృందాన్ని, నిర్వాహకులను ఆయన అభినందించారు. రాష్ట్రంలో క్రీడలకు, క్రీడాకారులకు తమ ప్రభుత్వం ఎల్లప్పుడూ అండగా ఉంటుందని స్పష్టం చేశారు. తొలి సీజన్ విజయవంతం కావడంతో భవిష్యత్తులో మరిన్ని జట్లతో ఈ టోర్నీని మరింత వైభవంగా నిర్వహించేందుకు మార్గం సుగమమైంది.