India Women's T20 World Cup Squad 2026: జూన్ 12 నుంచి ప్రారంభం కానున్న మహిళల టీ20 ప్రపంచకప్ కోసం బీసీసీఐ (BCCI) శనివారం 15 మంది సభ్యులతో కూడిన భారత జట్టును ప్రకటించింది.

ఈ మెగా టోర్నీకి హర్మన్‌ ప్రీత్ కౌర్ కెప్టెన్‌గా వ్యవహరించనుండగా, స్టార్ బ్యాటర్ స్మృతి మంధన వైస్ కెప్టెన్‌గా బాధ్యతలు నిర్వహించనున్నారు. ఈ జట్టు ఈసారి ఎలాగైనా కప్పు సాధించాలనే పట్టుదలతో ఉంది.

Read Also:Vaibhav Suryavanshi: వైభవ్ సూర్యవంశీని ఐపీఎల్ నుంచి తప్పిస్తారా? అసలు కారణం ఇదే!

సంచలనం నందిని శర్మ.. తిరిగి వచ్చిన యాస్తిక

ఈ జట్టు ఎంపికలో ప్రధాన ఆకర్షణ యువ ఫాస్ట్ బౌలర్ నందిని శర్మ. డబ్ల్యూపీఎల్ (WPL) 2026లో హ్యాట్రిక్ సాధించి సంచలనం సృష్టించిన నందిని, తొలిసారి జాతీయ జట్టులోకి ఎంపికైంది. మరోవైపు, గాయం కారణంగా గత వన్డే ప్రపంచకప్‌కు దూరమైన వికెట్ కీపర్ యాస్తిక భాటియా పునరాగమనం చేయగా, స్పిన్నర్ రాధా యాదవ్ కూడా చోటు దక్కించుకుంది. అయితే, గాయాల కారణంగా అమన్‌జోత్ కౌర్, కష్వీ గౌతమ్ ఈ మెగా ఈవెంట్‌కు దూరమయ్యారు.

India Women's T20 World Cup Squad 2026: జట్టులో తెలుగు తేజాలు

తెలుగు రాష్ట్రాల నుంచి ఇద్దరు క్రీడాకారిణులు ప్రపంచకప్ జట్టుకు ఎంపికవ్వడం విశేషం. శ్రీ చరణి, అరుంధతి రెడ్డి తమ ప్రతిభతో 15 మంది సభ్యుల స్క్వాడ్‌లో స్థానం సంపాదించుకున్నారు. వీరు భారత్ విజయావకాశాల్లో కీలక పాత్ర పోషిస్తారని అభిమానులు ఆశిస్తున్నారు.